അമ്പലകമ്മിറ്റി നല്‍കി കുമ്മനത്തെ ഒതുക്കി, സ്ഥാനം ഒഴിയാന്‍ സാധ്യത

മിസോറാം ഗവര്‍ണ്ണര്‍ സ്ഥാനം രാജിവച്ച് സജീവ രാഷ്ട്രീയ പ്രവര്‍ത്തനത്തിന് എത്തിയ കുമ്മനം രാജശേഖരന് അമ്പലകമ്മിറ്റിയില്‍ അംഗത്വം നല്‍കിയതിനെതിരെ ബിജെപിക്കുള്ളില്‍ പ്രതിഷേധം.
ശ്രീപദ്മനാഭസ്വാമി ക്ഷേത്രം ഭരണസമിതിയില്‍ കേന്ദ്ര സര്‍ക്കാരിന്റെ പ്രതിനിധിയായിട്ടണ് കുമ്മനം രാജശേഖരന്‍ വന്നിരിക്കുന്നത് . ഭരണ സമിതി ചെയര്‍മാനായ ജില്ലാ ജഡ്ജിക്ക് കേന്ദ്ര സാംസ്‌കാരിക മന്ത്രാലയം ഇതുസംബന്ധിച്ച കത്തു നല്‍കി. സമിതിയിലെ തിരുവിതാംകൂര്‍ ദേവസ്വം ബോര്‍ഡിന്റെ പ്രതിനിധിയെ നേരത്തെ തന്നെ നിശ്ചയിച്ചിരുന്നു.
മുരളീധരനെ മാറ്റി കുമ്മനത്തെ മന്ത്രിയാക്കണം എന്ന ആവശ്യവുമായി ഒരു വിഭാഗം പ്രചരണം സജീവമാക്കിയിരിക്കെയാണ് മുരളീധരപക്ഷത്തിന് കൂടുതല്‍ കരുത്ത് നല്‍കുന്ന നടപടി കേന്ദ്രനേതൃത്വത്തില്‍ വന്നിരിക്കുന്നത്.
കുമ്മനം നാമനിര്‍ദേശം നല്‍കിയ ആളെ ആദ്യം നിയമിച്ചശേഷം അദ്ദേഹത്തെ മാറ്റിയാണ് കുമ്മനത്തെ തന്നെ വച്ചിരിക്കുന്നത്. നേരത്തെ നിശ്ചയിച്ചിരുന്ന ഹരികുമാരന്‍ നായരെയാണ് ഇങ്ങനെ മാറ്റിയത്. ഇത് കുമ്മനത്തിനെ അപമാനിക്കാനാണന്നാണ് അദ്ദേഹത്തിന്റെ വിശ്വസ്ഥര്‍ പറയുന്നു.
ഇതിനിടെ
പ്രോട്ടോക്കോള്‍ ലംഘിച്ചതായുള്ള ആരോപണത്തില്‍ കേന്ദ്ര വിദേശകാര്യ സഹമന്ത്രി വി.മുരളീധരന് ക്ലീന്‍ചിറ്റ് നല്‍കി പ്രധാനമന്ത്രിയുടെ ഓഫീസ്. യുഎഇ എംബസി വെല്‍ഫെയര്‍ ഓഫീസറുടെ റിപ്പോര്‍ട്ടിന്റെ അടിസ്ഥാനത്തിലാണ് ക്ലീന്‍ ചിറ്റ് നല്‍കിയിരിക്കുന്നത്. വിഷയത്തില്‍ വി. മുരളീധരനെതിരെയുള്ള ആരോപണങ്ങള്‍ വസ്തുതാ വിരുദ്ധമാണെന്ന് കേന്ദ്ര വിദേശകാര്യ മന്ത്രാലയവും അറിയിച്ചിട്ടുണ്ട്.
അബുദാബിയിലെ ഓഷ്യന്‍ റിം മന്ത്രിതല സമ്മേളനത്തില്‍ കേന്ദ്രമന്ത്രി വി. മുരളീധരന്‍ മഹിളാ മോര്‍ച്ചാ നേതാവ് സ്മിതാ മേനോനെ പങ്കെടുപ്പിച്ചതായാണ് ആരോപണം. പ്രോട്ടോക്കോള്‍ ലംഘിച്ചതായാണ് പരാതി. എന്നാല്‍ താന്‍ പരിപാടി മാധ്യമങ്ങള്‍ക്കായി റിപ്പോര്‍ട്ട് ചെയ്യുന്നതിനായി സ്വന്തം ചെലവിലാണ് പോയതെന്നും അനാവശ്യമായി തന്റെ ചിത്രങ്ങളും മറ്റും എഡിറ്റ് ചെയ്ത് പ്രചരിപ്പിക്കുകയാണെന്നും സ്മിത മേനോനും സമൂഹ മാധ്യമങ്ങള്‍ വഴി മറുപടി നല്‍കിയിരുന്നു.
ബിജെപി യിലെ തന്നെ മുരളീവിരുദ്ധ വിഭാഗമാണ് ഇക്കാര്യം സജീവമാക്കി നിര്‍ത്തിയിരുന്നത്. അവര്‍ക്കേറ്റ കടനത്ത തിരിച്ചടി ലയിരിക്കുകയാണ് ഇത്.
അതിനു പിന്നാലെയാണ് കേന്ദ്രമന്ത്രി ആക്കണം എന്ന് ആവശ്യപ്പെട്ട ആളെ അമ്പലകമ്മിറ്റി ആംഗം ആക്കിയിരിക്കുന്നത്. ഈ സ്ഥാനം ഒഴിയണം എന്ന് കുമ്മനത്തെ അനുകൂലിക്കുന്ന വിഭാഗം ആവശ്യപ്പെട്ടിട്ടുണ്ട്.