ജോര്‍ജിനായി ചെന്നിത്തല കെ സി യെ എത്തിക്കാന്‍ ഉമ്മന്‍ചാണ്ടി

ജോസ് കെ മാണി രാഷ്ട്രീയനിലപാട് പ്രഖ്യാപിച്ചതോടെ തമ്മിലടി രൂക്ഷമായിരിക്കുന്നത് കോണ്‍ഗ്രസില്‍. മാണി ഗ്രൂപ്പിന്റെ കയ്യിലിരുന്ന സീറ്റുകള്‍ മോഹിച്ച് ഒരു സംഘം കോണ്‍ഗ്രസ് നേതാക്കളും , കോട്ടയം ഇടുക്കി ജില്ലകളില്‍ ജോസ് കെ മാണിയെ തകര്‍ക്കാനുള്ള ആളെ കളത്തില്‍ ഇറക്കുന്ന കാര്യത്തില്‍ മുതിര്‍ന്ന നേതാക്കള്‍ തമ്മിലുമാണ് പോര്.
തന്റെ വിശ്വസ്ഥ പോരാളി കെ സി ജോസഫിനെ കോട്ടയം ജില്ലയുടെ അമരത്ത് എത്തിച്ച് മാണി ഗ്രൂപ്പിന്റെ അടിത്തറ മാന്താം എന്ന കണക്കുകൂട്ടലിലാണ് ഉമ്മന്‍ചാണ്ടി. ചങ്ങനാശേരി, ഏറ്റുമാനൂര്‍ സീറ്റുകളിലാണ് കെ സിക്ക് വേണ്ടി ഉമ്മന്‍ചാണ്ടി ബലം പിടിക്കുന്നത്.
ഇപ്പോള്‍ ജോഷി ഫിലിപ്പ് നയിക്കുന്ന കോട്ടയത്തെ കോണ്‍ഗ്രസ് കെ സി വന്നാല്‍ അദ്ദേഹത്തത്തിന്റെ കയ്യില്‍ എത്തുമെന്നും താഴേത്തട്ടുവരെ നിയന്ത്രണം എ ഗ്രൂപ്പിനാകുമെന്നും ഉമ്മന്‍ചാണ്ടി വിലയിരുത്തുന്നു. കെ സി ജോസഫ് കോട്ടയം ഡി സി സി പ്രസിഡന്റ് ആയിരുന്ന കാലത്താണ് കെ എം മാണിക്കെതിരെ ശക്തമായ നിലപാട് കോട്ടയം ഡി സി സി സ്വീകരിച്ചത്.
മാണി ഗ്രൂപ്പ് ഓഫീസില്‍ നടന്നിരുന്ന യു ഡി എഫ് യോഗം ആദ്യമായി കോട്ടയം ഡി സിസിയില്‍ നടത്തിയതും അക്കാലത്തായിരുന്നു. ബൂത്ത് തലം വരെ കോണ്‍ഗ്രസ് കമ്മിറ്റികള്‍ സജീവമാക്കി ടോമി കല്ലാനിക്ക് ബാറ്റണ്‍ കൈമാറിയതും കെ സി ജോസഫായിരുന്നു. കെ സി യുടെ സാന്നിധ്യം ക്രൈസ്തവ വോട്ട് തിരികെ പിടിക്കാന്‍ സഹായിക്കുമെന്നാണ് എ ഗ്രൂപ്പ് പറയുന്നത്.
പാലായില്‍ മാണി സി കാപ്പനെ മത്സരിപ്പിക്കാനാണ് കോണ്‍ഗ്രസിലെ എ വിഭാഗത്തിന് താല്‍പ്പര്യം. അതിന് അവര്‍ ശ്ജ്ഞം നടത്തുമുണ്ട്.

എന്നാല്‍ പ്രതിപക്ഷ നേതാവ് രമേശ് ചെന്നിത്തലയുടെ മനസ്സില്‍ പാലയ്ക്ക് പറ്റിയത് പിസി ജോര്‍ജാണ്. പാലാ സീറ്റല്ല ജോര്‍ജിന്റെ നാക്ക് ആയുധമാക്കിജോസ് കെ മാണിയെയും സംഘത്തെയും തീര്‍ക്കാം എന്നാണ് രമേശിന്റെ കണക്കുകൂട്ടല്‍.
സരിതാ കേസില്‍ ഉമ്മന്‍ ചാണ്ടിക്കെതിരെ അതിശക്തമായി നിന്ന നേതാവാണ് പിസി ജോര്‍ജ്. അതുകൊണ്ട് തന്നെ ജോര്‍ജിനോട് ഉമ്മന്‍ ചാണ്ടിക്ക് താല്‍പ്പര്യമില്ല. അതുകൊണ്ട് തന്നെ മുന്നണി യില്‍ ജോര്‍ജ് എത്താതിരിക്കാന്‍ എ ഗ്രൂപ്പ് കരുതലോടെ കളിക്കുകയാണ്. ഹൈക്കമാന്റില്‍ പഴയപോലെ സ്വാധീനമില്ലാത്തതാണ് ഉമ്മന്‍ചാണ്ടിയുടെ െ്രപ്നം. പക്ഷെ അദ്ദേത്തത്തിന്റെ ജനസമതി അവര്‍ അംഗീകരിക്കുന്നുമുണ്ട്. അതിനാല്‍ വരും ദിനങ്ങളില്‍ നിര്‍ണ്ണായക നിലപാടുകളാവും കോണ്‍ഗ്രസില്‍ ഉണ്ടാവുക.