യൂണിടാക് കടലാസ് കമ്പനിയല്ല കേരളത്തില്‍ കാശിറക്കിയ വമ്പന്‍

ലൈഫ് മിഷന്‍പദ്ധതിയുടെ നിര്‍മ്മാണം ഏറ്റെടുത്ത യൂണിടാക് കേരളത്തില്‍ പല പ്രോജക്റ്റുകളില്‍ പണം ഇറക്കിയിട്ടുണ്ടെന്ന് വിവരം.

യു എ ഇ ഏജന്‍സിയുടെ കരാന്‍ യാദൃച്ഛികമായി യൂണിടാക്കിന് ലഭിച്ചതല്ലെന്നാണ് വിലയിരുത്തുന്നത്. 18 കോടി രൂപയുടെ കരാര്‍ ലഭിക്കണമെങ്കില്‍ മുന്‍പും ഇടപാടുകള്‍ നടന്നിരിക്കാം. യൂണിടാക്കിന്റെ ഇടപാടുകളിലൂടെ അന്വേഷണം നീളുന്നുണ്ട്.

റെഡ്ക്രസന്റുമായി കരാര്‍ ഒപ്പിടുന്നതിന് തൊട്ടുമുമ്പുള്ള വര്‍ഷം ബ്ലാസ്റ്റേഴ്സിന്റെ സ്‌പോണ്‍സര്‍മാരില്‍ യൂണിടാക്കിന്റെ പേര് ഉണ്ടായിരുന്നു. ബ്ലാസ്റ്റേഴ്സിന്റെ അന്നത്തെ ജഴ്സിയില്‍ 'സ്ലീവ് സ്പോണ്‍സര്‍' എന്നനിലയില്‍ യൂണിടാക് പങ്കാളിയായിരുന്നു. എത്ര രൂപയുടെ ഇടപാടാണ് ഇതെന്നു കണ്ടെത്തിയിട്ടില്ല.

ബ്ലാസ്റ്റേഴ്സ് പോലൊരു ടീമിന്റെ സ്പോണ്‍സര്‍ ആകാനുള്ള സാമ്പത്തികശേഷിയില്‍ എത്തിയ കമ്പനിയാണ് എന്ന വിവരം ഇപ്പോഴാണ് പുറത്തുവരുന്നത്. ബ്ലാസ്റ്റേഴ്സ് ഉടമകളും ഒഫീഷ്യല്‍സും ഈ സീസണുശേഷം മാറിയിരുന്നു. അന്നത്തെ സാമ്പത്തികഇടപാടുകള്‍ സംബന്ധിച്ച വിവരങ്ങള്‍ കണ്ടെത്താനുള്ള ശ്രമത്തിലാണ് അന്വേഷണ ഏജന്‍സികള്‍.

പ്രധാന സാമ്പത്തികഇടപാടുകള്‍ വെളിപ്പെടുത്തണമെന്ന് അന്വേഷണ ഏജന്‍സികള്‍ ആവശ്യപ്പെട്ടിരുന്നെങ്കിലും യൂണിടാക് എം.ഡി. സന്തോഷ് ഈപ്പന്‍ ഇക്കാര്യം പറഞ്ഞിരുന്നില്ല. കേരള ബ്ലാസ്റ്റേഴ്സ് താരങ്ങളെ ഉപയോഗിച്ച് യൂണിടാക് പരസ്യചിത്രവും നിര്‍മിച്ചിരുന്നു. യു.എ.ഇ. റെഡ്ക്രസന്റുമായുള്ള ഇടപാടിനുശേഷവും അതിന് രണ്ടുവര്‍ഷം മുമ്പുമുള്ള യൂണിടാക് ബില്‍ഡേഴ്സിന്റെ സാമ്പത്തികഇടപാടുകളാണ് ഇപ്പോള്‍ അന്വേഷിക്കുന്നത് .