മുരളീധരന് എതിരായ പരാതി പിന്നില്‍ പാര്‍ട്ടിയിലെ പോര്

കേന്ദ്രമന്ത്രി വി മുരളീധരന് എതിരെ ഉയര്‍ന്നു വന്നിരിക്കുന്ന പരാതിക്ക് പിന്നില്‍ പാര്‍ട്ടിക്കുള്ളിലെ ഗ്രൂപ്പ് വഴക്ക് എന്ന് സൂചന.
ഒരുമാസം മുന്‍പ് മന്ത്രിയുടെ രഹസ്യ കൊച്ചി സന്ദര്‍ശനം പന്നു പറഞ്ഞ് മാധ്യമങ്ങള്‍ക്ക് വാര്‍ത്ത നല്‍കിയവര്‍ തന്നെയാണ് പുതിയ വിവാദങ്ങള്‍ക്ക് പിന്നിലും.
മന്ത്രി ആയതിനുശേഷം മുരളീധരന്റെ പല നീക്കങ്ങളും പാര്‍ട്ടിക്കുള്ളില്‍ ചര്‍ച്ച ആയിട്ടുണ്ട്. പി ആര്‍ കമ്പനി ജീവനക്കാര്‍ മന്ത്രിക്കൊപ്പം വിദേശത്തു പോയി എന്ന ആക്ഷേപമാണ് ഇപ്പോള്‍ ഉന്നയിക്കുന്നത്.
2019 നവംബറില്‍ അബുദാബിയില്‍ നടന്ന മന്ത്രിതല സമ്മേളനത്തിലാണ് സ്മിത മേനോന്‍ എന്ന മഹിളാ മോര്‍ച്ച നേതാവ് കേന്ദ്രമന്ത്രി വി മുരളീധരനൊപ്പം പങ്കെടുത്തത്. സ്മിത മേനോന്‍ സര്‍ക്കാര്‍ പ്രതിനിധിയായിട്ടല്ല ചടങ്ങില്‍ പങ്കെടുത്തതെന്ന് അബുദാബിയിലെ ഇന്ത്യന്‍ എംബസി വ്യക്തമാക്കിയിട്ടുണ്ട്. ഔദ്യോഗിക പ്രതിനിധിയല്ലാത്ത ഒരാള്‍ കേന്ദ്രമന്ത്രിക്കൊപ്പം വേദിയിലെത്തിയത് ഗുരുതരമായ പ്രോട്ടോകോള്‍ ലംഘനമാണ്. വിദേശവകുപ്പാണ് ഇതില്‍ കൂടുതല്‍ വ്യക്തത വരുത്തേണ്ടത്.

തനിക്കെതിരെ പ്രധാനമന്ത്രിക്ക് നല്‍കിയ പരാതിയില്‍ അദ്ദേഹം മറുപടി പറയുമെന്നാണ് വി മുരളീധരന്റെ പ്രതികരണം. പിആര്‍ ഏജന്റായാണ് പങ്കെടുത്തതെന്ന് സ്മിത മേനോന്‍ പറയുന്നു. മഹിളാ മോര്‍ച്ച നേതാവിനെ പിആര്‍ ഏജന്റ് എന്ന പേരില്‍ വിദേശത്ത് ചടങ്ങില്‍ പങ്കെടുപ്പിച്ചത് ആള്‍മാറാട്ടത്തിന്റെ പരിധിയില്‍ വരും. പ്രധാനമന്ത്രി അന്വേഷണത്തിന് നിര്‍ദേശം നല്‍കുമോ എന്നത് ഗൗരവം കൂട്ടുന്നു.
അങ്ങനെ സംഭവിച്ചാല്‍ മുരളി മന്ത്രിസ്ഥാനം ഒഴിയേണ്ടിവരും. അത് കമ്മനത്തിനുവേണ്ടി വാദിക്കുന്നവര്‍ക്ക് കാര്യങ്ങള്‍ എളുപ്പമാവും.
കേരളത്തില്‍ എന്‍ ഐ എ അന്വേഷണം നടത്തുന്ന കേസുകളില്‍ മന്ത്രി അനാവശ്യ പ്ഡ്ഡ്താവനകള്‍ നടത്തുന്നതില്‍ കേന്ദ്രനേതൃത്വം നേരിട്ട് അസംതൃപ്തി അറിയിച്ചിരുന്നു അതിനു പിന്നാലെയാണ് പുതിയ വിവാദം.