കരുണാകരനെ ചതിച്ചതു പോലെ ഞാന്‍ ആരെയും ചതിക്കില്ല : മുരളി

കോണ്‍ഗ്രസില്‍ കെ കരുണാകരനെ ചിലര്‍ ചതിച്ചുപോലെ ആരെയും ചതിക്കാന്‍ താനില്ലന്ന് കെ മരളീമരന്‍ എം പി . കെ പി സി സി പ്രസിഡന്റ് മുല്ലപ്പള്ളി രാമചന്ദ്രന് മറുപടിയായിട്ടാണ് ചതിയുടെ കഥയുമായി മുരളി എത്തിയിരിക്കുന്നത്.
കോണ്‍ഗ്രസില്‍ കൂടിയാലോചനകള്‍ നടക്കുന്നില്ലെന്ന് വീണ്ടും മുരളീധരന്‍ ആര്‍ത്തിച്ചു.
. എം പിമാര്‍ നിയമസഭയിലേക്ക് മത്സരിക്കില്ലെന്നും മുല്ലപ്പള്ളിക്ക് മറുപടിയായി കെ മുരളീധരന്‍ പറഞ്ഞു.വിമര്‍ശനങ്ങള്‍ കെപിസിസി പ്രസിഡന്റിനോടാണെന്നും വ്യക്തിയോടല്ല. ഒരു സ്ഥാനം രാജിവെച്ചത് ഇത്ര പ്രശ്നം ആക്കേണ്ട കാര്യമില്ല.ആരോടും പരാതി പറയാനില്ലെന്നും പറഞ്ഞു.

സമരങ്ങള്‍ നിര്‍ത്താനുള്ള തീരുമാനങ്ങള്‍ ആരോടും ആലോചിക്കാതെ എടുത്തതാണ്. പേടിച്ചിട്ട് നിര്‍ത്തിയതാണെന്ന് തോന്നുമെന്നും മുരളീധരന്‍ വിമര്‍ശിച്ചു. യുഡിഎഫ് കണ്‍വീനറാകാന്‍ താന്‍ താത്പര്യം പ്രകടിപ്പിച്ചിരുന്നു. പുനസംഘടനയുടെ കാര്യം തന്നോട് ആരും പറഞ്ഞിട്ടില്ല. കെ കരുണാകരനെ ചിലര്‍ ചതിച്ചപോലെ മറ്റുള്ളവരെ ചതിക്കാന്‍ താനില്ലെന്നും മുരളീധരന്‍ പറഞ്ഞു.

എം പിമാര്‍ ഡല്‍ഹിവിട്ട് കേരളത്തിലേക്ക് മടങ്ങാനുള്ള മോഹവുമായി ഇറങ്ങിയിരിക്കയാണെന്നും അത് അംഗീകരിക്കരുതെന്നും കെപിസിസി പ്രസിഡന്റ് മുല്ലപ്പള്ളി രാമചന്ദ്രന്‍ കഴിഞ്ഞ ദിവസം പറഞ്ഞിരുന്നു.കെ സുധാകരന്‍ . കെ മുരളീധരന്‍, അടൂര്‍ പ്രകാശ്, ബെന്നി ബെഹ്ന്നാന്‍, കൊടികുന്നില്‍ സുരേഷ് എന്നിവരെ ലക്ഷ്യമിട്ടായിരുന്നു മുല്ലപ്പള്ളിയുടെ നീക്കം.