കേരളം നിയന്ത്രണം കടുപ്പിക്കും കാര്യങ്ങള്‍ നോക്കാന്‍ വീണ്ടും റോഡില്‍ പൊലീസ്

സംസ്ഥാനത്ത് കോവിഡ് വ്യാപനം രൂക്ഷമായതിനെ തുടര്‍ന്ന് കര്‍ശന നടപടികളിലേക്ക് ഏര്‍പ്പെടുത്താനും തീരുമാനിച്ചു. മുഖ്യമന്ത്രി പിണറായി വിജയന്റെ നേതൃത്വത്തിലാണ് സര്‍വ്വകക്ഷി യോഗം ചേര്‍ന്ന് ഈ തീരുമാനം എടുത്തത്. കേന്ദ്രസര്‍ക്കാര്‍ മൂന്നാം ഘട്ട ഇളവിന് മുന്‍പ് നടപ്പിലാക്കിയിരുന്ന കര്‍ശന നിയന്ത്രണങ്ങളിലേക്കാവും കേരളം മാറുക. ഇതു സംബന്ധിച്ച ഉത്തരവ് ഇന്നോ നാളയോ ഇറങ്ങിയേക്കും. സമ്പര്‍ക്കത്തിലൂടെയാണ് സംസ്ഥാനത്ത് 96 ശതമാനം പേര്‍ക്കും രോഗം ബാധിക്കുന്നത് എന്നത് അതീവഗൗരതരമാണ്. ഈ നിലതുടര്‍ന്നാല്‍ വലിയ അപകടത്തിലേക്കാണ് നാം ചെന്ന് പതിക്കുക. പ്രാദേശിക തലത്തില്‍ രാഷ്ട്രീയ പാര്‍ട്ടികളുടെ ഇടപെടല്‍ ഉണ്ടാകണം. സമരങ്ങളുടെ കാര്യത്തിലും നിയന്ത്രണം വേണ്ടി വരും. രാഷ്ട്രീയപാര്‍ട്ടികളോട് ഇക്കാര്യം ആവശ്യപ്പെട്ടു. ഒറ്റക്കെട്ടായി കോവിഡിനെ പ്രതിരോധിക്കണമെന്നാണ് സര്‍വ്വകക്ഷി യോഗത്തില്‍ എല്ലാ കക്ഷികളും ആവശ്യപ്പെട്ടു. സമ്പൂര്‍ണ്ണ ലോക്ഡൗണ്‍ പ്രായോഗികമല്ലെന്നതില്‍ എല്ലാവരും യോജിച്ചു. പരിപാടികളില്‍ നിശ്ചിത എണ്ണം ആളുകള്‍ മാത്രമേ പങ്കെടുക്കാവൂ. വിവാഹം, മരാണാനന്തര ചടങ്ങുകള്‍, മറ്റു പരിപാടികള്‍ ഇതിലെല്ലാം പങ്കെടുക്കുന്നവരുടെ എണ്ണം കൃത്യമായി പാലിക്കണമെന്നും പാര്‍ട്ടികള്‍ ഏകാഭിപ്രായത്തോടെ തീരുമാനിച്ചിട്ടുണ്ട്.