ലൈഫ് മിഷ നോട് ചേര്‍ന്ന് ഒരുങ്ങുന്നു പുതിയ ആശുപത്രി

ലൈഫ് മിഷന്റെ ചരല്‍പ്പറമ്പിലെ ഫ്‌ളാറ്റ് സമുച്ചയത്തോടു ചേര്‍ന്ന് ഏറ്റവും മികച്ച ആശുപത്രി ഒരുങ്ങുന്നു. ഈ ആശുപത്രിയുടെ പണി എത്രയും വേഗം തീര്‍ക്കുകയാണ് ഇപ്പോള്‍ ലക്ഷ്യം. മിനുക്കു പണികള്‍ പൊടിപൊടിക്കുകയാണ്. പ്രദേശത്തെ ഏറ്റവും മികച്ച പ്രാഥമിക ആരോഗ്യ കേന്ദ്രം തുറക്കുന്നതിനെതിരെയും കോണ്‍ഗ്രസ് പ്രതിഷധമുണ്ട്. 200 അതിഥി തൊഴിലാളികളാണ് ഉണ്ടായിരുന്നത്. ലോക്ഡൗണ്‍ വന്നതോടെ ആരുമില്ലാതായി. അതിനാലാണ് ഫ്‌ലാറ്റ് നിര്‍മാണം ഇഴയുന്നത്. എന്നാല്‍ ഇതിന്റെ ഭാഗമായ ആശുപത്രിയുടെ നിര്‍മാണം തദ്ദേശ തൊഴിലാളികളെക്കൊണ്ട് തകൃതിയായി നടത്തുന്നു. പ്ലബിങ് ജോലികള്‍ അവസാന ഘട്ടത്തിലാണ്. ടൈല്‍ അടുത്തയാഴ്ച വരും. അത് ഒട്ടിക്കാനുള്ള തൊഴിലാളികള്‍ സജ്ജമാണ്. അതിനു ശേഷം റോഡ് താല്‍ക്കാലികമായി തുറക്കും. പാവപ്പെട്ടവനു വേണ്ടിയുള്ള വീടിനും ആശുപത്രിക്കുമെതിരെയാണ് യുഡിഎഫും കോണ്‍ഗ്രസും എന്ന മുദ്രാവാക്യം സിപിഎം ആശുപത്രി ഉദ്ഘാടനത്തോടെ ശക്തമാക്കും. അടുത്ത മാസം രണ്ടിന് ഉദ്ഘാടനം നടത്താനാകുമോ എന്നാലോചിച്ചതാണ്. പക്ഷേ,മഴ തടസ്സമായി. ഫ്‌ലാറ്റ് പൂര്‍ത്തിയാക്കാന്‍ ചുരുങ്ങിയത് ഒന്നര വര്‍ഷമെടുക്കും. മഴ മൂലം റോഡു തകര്‍ന്നതിനാല്‍ ഈ കുന്നിലേക്കു നിര്‍മാണ വസ്തുക്കള്‍ പോലും എത്തിക്കാനാകുന്നില്ല. ആശുപത്രി തുറക്കുന്നതിലൂടെ ജനങ്ങള്‍ കൂടുതലായി ഈ മേഖലയിലേക്ക് അവര്‍ക്ക് മുന്നില്‍ പദ്ധതി തടസപ്പെടുത്തിയതിന്റെ കാരണം പറയാന്‍ ജനപ്രതിനിധി വലയുമെന്ന് സി പി എം കരുതുന്നു.