ശതാഭിഷക നിറവില്‍ കെ പി ഉണ്ണികൃഷ്ണന്‍

തുടര്‍ച്ചയായി 6 വട്ടം വടകരയില്‍ നിന്നു വിജയിച്ച ഉണ്ണിക്കൃഷ്ണന്‍ ഇന്ന് ശതാഭിഷക നിറ:വില്‍ . കേരളത്തില്‍ ഒരേ ലോക്‌സഭാ മണ്ഡലത്തില്‍ നിന്ന് തുടര്‍ച്ചയായി 6 തവണ വിജയിച്ച മറ്റൊരാളില്ല. പക്ഷെ വിശ്രമ ജീവിതം നയിക്കുന്ന നേതാതിന്റെ പിറനാള്‍ ആഘോഷം വിീട്ടുകാരില്‍ ഒതുങ്ങി. 4 തിരഞ്ഞെടുപ്പുകളില്‍ വിജയിച്ചത് ഇടതുപക്ഷത്തിന്റെ പിന്തുണയോടെയായിരുന്നു. കോണ്‍ഗ്രസുകാരിലെ സോഷ്യലിസ്റ്റ്. പത്രപ്രവര്‍ത്തകനായി തുടങ്ങി കേന്ദ്രമന്ത്രി വരെയായ ഉണ്ണിക്കൃഷ്ണന്‍ ഇന്ന് തിരക്കുകളില്ലാത്ത ജീവിതത്തിലാണ്. ജനനത്തീയതി പ്രകാരം ഇന്നലെയായിരുന്നു 84-ാം ജന്‍മദിനം. പക്ഷേ നക്ഷത്രമനുസരിച്ച് ഇന്നാണ് പിറന്നാള്‍-കന്നിയിലെ വിശാഖം. കോഴിക്കോട് പന്നിയങ്കരയിലെ തറവാടായ പത്മാലയത്തില്‍ ഭാര്യ അമൃതയ്ക്കും ഇളയമകള്‍ നിരഞ്ജനയ്ക്കുമൊപ്പമാണ് ഇക്കുറി പിറന്നാള്‍ ആഘോഷം. 1971 ല്‍ വടകര മണ്ഡലത്തില്‍ ലീലാ ദാമോദരമേനോന്റെ പേരാണ് കെപിസിസി നല്‍കിയ പട്ടികയിലുണ്ടായിരുന്നത്. എന്നാല്‍ ഡല്‍ഹി കേന്ദ്രീകരിച്ചു പ്രവര്‍ത്തിച്ചിരുന്ന ഉണ്ണികൃഷ്ണ സ്ഥാനാര്‍ത്ഥിയായി. 1971, 77 തിരഞ്ഞെടുപ്പുകളില്‍ കോണ്‍ഗ്രസ് എംപി. നേതൃത്വത്തിന്റെ നിലപാടുകളില്‍ കലഹിച്ചു കോണ്‍ഗ്രസ് (യു)വിലും കോണ്‍ഗ്രസ് (എസ്)ലും എത്തി.1980, 84, 89, 91തിരഞ്ഞെടുപ്പുകളില്‍ ഇടതുപക്ഷത്തിന്റെ പിന്തുണയോടെയാണ് മത്സരിച്ച് വിജയിച്ചത്. . 1995 ല്‍ കോണ്‍ഗ്രസില്‍ മടങ്ങിയെത്തി. 1996 ല്‍ കോണ്‍ഗ്രസ് സ്ഥാനാര്‍ഥിയായി വടകരയില്‍ മത്സരിച്ചെങ്കിലും പരാജയപ്പെട്ടു. മുന്നണി മാറിയത് തിരിച്ചടിയായി.