ഇഡി അന്വേഷണ റിപ്പോര്‍ട്ട് ഉടന്‍

കേരളത്തിലെ കേസുകളുടെ അന്വേഷണ പുരോഗതി വില ഇരുത്താന്‍ ഇഡി ആസ്ഥാനത്ത് യോഗം . മന്ത്രി ജലീനെ ചോദ്യം ചെയ്ത ഉദ്യോഗസ്ഥുടെ വിലയിരുത്തല്‍ യോഗം അടുത്ത ദിവസം നടക്കും. രാഷ്ട്രീയ വിവാദമായി കേസുകള്‍ മാറുന്നതിനെ തുടര്‍ന്നും പാര്‍ലമെന്റില്‍ വരെ തുടരെ പ്രശ്‌നങ്ങള്‍ ഉയര്‍ത്തുന്നതുകൊണ്ടുമാര്‍ അന്വേഷണ പുരോഗതി വിലയിരുത്താന്‍ എന്‍ഫോഴ്സ്മെന്റ് ഡയറക്ടറേറ്റ് (ഇ.ഡി) സ്പെഷ്യല്‍ ഡയറക്ടര്‍ സുശീല്‍ കുമാര്‍ കൊച്ചിയിലെത്തിയത്. രാജ്യന്തര തലത്തില്‍ ഇന്ത്യയെ ബാധിക്കുന്ന തലത്തിലേക്ക് ഇതുമായി ബന്ധപ്പെട്ട വിവാദങ്ങള്‍ വളര്‍ന്നിട്ടുണ്ട്. അതിനാല്‍ കേസ് എത്രയും വേഗം പൂര്‍ത്തികരിക്കാനാണ് അന്വേഷണ ഏജന്‍സികളുടെ ശ്രമം. . അസിസ്റ്റന്റ് സോളിസിറ്റര്‍ ജനറലുമായും ഇ.ഡിയുടെ സ്പെഷ്യല്‍ പ്രോസിക്യൂട്ടറുമായും അദ്ദേഹം ചര്‍ച്ച നടത്തി.ഇ.ഡിയുടെ സ്പെഷ്യല്‍ പ്രോസിക്യൂട്ടറുമായും അസിസ്റ്റന്റ് സോളിസിറ്റര്‍ ജനറലുമായും കൊച്ചിയിലെ ഹോട്ടലില്‍വച്ചാണ് അദ്ദേഹം കൂടിക്കാഴ്ച നടത്തിയതെന്നാണ് പുറത്തു വന്നിരിക്കുന്ന വിവരം. മന്ത്രി കെ.ടി ജലീലിനെ ഇ.ഡി ചോദ്യംചെയ്തതിന് പിന്നാലെയാണ് കേന്ദ്ര ഏജന്‍സിയിലെ പ്രധാനി അന്വേഷണ പുരോഗതി വിലയിരുത്താന്‍ കൊച്ചിയില്‍ എത്തിയിട്ടുള്ളത്. സ്വര്‍ണക്കടത്ത് കേസിന്റെ അന്വേഷണത്തില്‍ ഇതുവരെ സ്വീകരിച്ച നടപടികളും മന്ത്രി കെ.ടി ജലീലിന്റെ മൊഴി രേഖപ്പെടുത്തിയ സാഹചര്യവും അദ്ദേഹം വിലയിരുത്തി. ഇഡി ചോദ്യംചെയ്ത പല ഉന്നതരുടെയും മൊഴികള്‍ ഉന്നത തലത്തിലാണ് വിശകലനം ചെയ്യുന്നത്. അതിനായാണ് കൊച്ചിയിലെത്തിയത്. അന്വേഷണ സംഘവുമായി അടുത്ത ദിവസം അദ്ദേഹം കൂടിക്കാഴ്ച നടത്തും. വിവിധ കേന്ദ്ര ഏജന്‍സികള്‍ നടത്തുന്ന അന്വേഷണത്തിന്റെ ഏകോപനവും സ്പെഷ്യ ഡയറക്ടര്‍ വിലയിരുത്തി. ജലീലുമായി ബന്ധപ്പെട്ട് ലഭിച്ച പരാതികളില്‍ ഇതുവരെ 35 പേരില്‍ നിന്ന് മൊഴി എടുത്തിട്ടുണ്ട്. അതു സംബന്ധിച്ച റിപ്പോര്‍ട്ട് ഉടന്‍ തന്നെ സമര്‍പ്പിച്ചേക്കുമെന്ന് അനൗദ്യോഗിക സൂചനകളുണ്ട്.