ഫ്ലോറിഡയില്‍ പ്രതീക്ഷയോടെ ട്രംപ്,

ലോറിഡയിലെ വോട്ടര്‍മാര്‍ എങ്ങനെ ചിന്തിക്കുന്നുവെന്നത് പ്രസിഡന്റ് തിരഞ്ഞെടുപ്പില്‍ നിര്‍ണായകമാവും. അതു കൊണ്ടു തന്നെ റിപ്പബ്ലിക്കന്‍ പാര്‍ട്ടിയും ഡെമോക്രാറ്റുകളും കൂടുതലായും തങ്ങളുടെ നേതാക്കളെ ഉയര്‍ത്തിക്കാണിച്ചു ഇവിടെ വോട്ട് നേടാന്‍ ശ്രമിക്കുന്നു. റിപ്പബ്ലിക്കന്‍ പാര്‍ട്ടിക്കു മുന്‍തൂക്കമുള്ള സംസ്ഥാനത്ത് പക്ഷേ കാലാവസ്ഥ മാറുമോയെന്നു കണ്ടറിയണം. ഇവിടെ, ഹിസ്പാനിക്സുമായുള്ള ബൈഡന്റെ ബന്ധമാണ് ഏറ്റവും കൂടുതല്‍ ശ്രദ്ധ നേടുന്നത്. അതു കൊണ്ട് തന്നെ ക്യൂബന്‍ പിന്തുണയോടെ ഫ്ലോറിഡയില്‍ ഒരു ഇടതുപക്ഷ കാറ്റ് വീശാന്‍ ഡെമോക്രാറ്റുകള്‍ ധൈര്യപ്പെടുമോയെന്നത് രാഷ്ട്രീയ നിരീക്ഷകര്‍ ഉദ്വേഗത്തോടെ നോക്കുന്നു. റിപ്പബ്ലിക്കന്‍ ഉദ്യോഗസ്ഥരും ട്രംപും അവരുടെ സഖ്യത്തിന്റെ നിലനില്‍പ്പിന്റെ ഭാഗമായ ക്യൂബന്‍-അമേരിക്കക്കാരെ കൂടുതലായി പിന്തുണച്ച് ഇതിനെ പ്രതിരോധിക്കാന്‍ ശ്രമിക്കുന്നുണ്ട്. ട്രംപിന്റെ അടിക്കടിയുള്ള സന്ദര്‍ശനം പോലും ഈയൊരു ലക്ഷ്യമിട്ടാണ്. ഇവരെ മാത്രമല്ല, വളര്‍ന്നുവരുന്നതും നിര്‍ണായകവുമായ വോട്ടിംഗ് ഗ്രൂപ്പായ ക്യൂബന്‍ ഇതര ഹിസ്പാനിക് വംശജരോടും റിപ്പബ്ലിക്കന്‍ പാര്‍ട്ടി ഇവിടെ ആവര്‍ത്തിച്ച് വോട്ട് അഭ്യർഥന നടത്തുന്നു.ട്രംപ് ഫ്ലോറിഡയെ വിജയസംസ്ഥാനങ്ങളിലൊന്നായി കണക്കാക്കുന്നു. ഇവിടെ വിജയിച്ച് നാല് വര്‍ഷത്തിന് ശേഷം, ട്രംപ് കഴിഞ്ഞ ആഴ്ച ഉള്‍പ്പെടെ നിരവധി സന്ദര്‍ശനങ്ങള്‍ നടത്തിയിട്ടുണ്ട്.