താരങ്ങള്‍ കണ്ണീരില്‍

പത്തുമാസം മുന്‍പുവരെ താരപ്രൗഡിയില്‍ വിലസിയിലുരുന്ന മലയാള സിനിമയിലെ പലരും രണ്ടുമാസമായി ചിലവിനുപോലും കാശില്ലാതെ വലയുന്നു. ചിലസൂപ്പര്‍ താരങ്ങളുടെ ടീമില്‍ ഉള്‍പ്പെട്ടവര്‍ക്ക് പേരിന് സഹായം ഓണത്തിന് ഏത്തിയെങ്കിലും അതുകൊണ്ട് കുടുംബം കഴിയാന്‍ പറ്റുമോ എന്നാണ് അവര്‍ ചോദിക്കുന്നത്. ഇതിനിടെ സീരിയലുകള്‍ ലൈവായെങ്കിലും അതിലേക്ക് കടന്നു കയറാന്‍ പലര്‍ക്കും സാധിച്ചിട്ടില്ല. ചെറുവേഷങ്ങളില്‍ മിന്നിമറഞ്ഞു പോയിരുന്ന നടിമാര്‍ പലരും തൊഴില്‍ അന്വേഷിച്ച് തുടങ്ങിയിരിക്കുകയാണ്. അടുത്ത മാര്‍ച്ച് കഴിയാതെ സിനിമാ സജീവമാകുമെന്ന് പറയാന്‍ പറ്റില്ലന്നാണ് ഇവര്‍ തന്നെ സമ്മതിക്കുന്നത്. അതുവരെ കുട്ടികളുടെ പഠന ചിലവ് അടക്കം എങ്ങനെ നടത്തും എന്നറിയാതെ വലയുകാണ് ഇവര്‍. സിനിമയിലെ 2% പേര്‍ക്കു മാത്രമാണ് നല്ല സാമ്പത്തിക ശേഷിയുള്ളത്. വരുമാനം മുടങ്ങിയാലും 20% പേര്‍ക്കു കൂടി ജീവിക്കാം. സാധാരണ നടീനടന്മാര്‍, സാങ്കേതിക വിദഗ്ധര്‍, അസിസ്റ്റന്റുമാര്‍, ലൈറ്റ് ബോയ്‌സ്, മെസ് ജോലിക്കാര്‍, ഡ്രൈവര്‍മാര്‍, ജൂനിയര്‍ ആര്‍ട്ടിസ്റ്റുകള്‍ തുടങ്ങിയവര്‍ കഷ്ടത്തിലാണ്. പലരെയും വ്യക്തിപരമായി സഹായിച്ചു. കൂടുതല്‍ സഹായിക്കാനാവാത്ത സ്ഥിതിയാണിപ്പോള്‍. സെറ്റില്‍ നമുക്കു ഭക്ഷണം വിളമ്പിയിരുന്നവര്‍ പട്ടിണി കിടക്കുന്നതായി കേള്‍ക്കുമ്പോള്‍ ദുഃഖമുണ്ട് ഒരു മുതിര്‍ന്ന താരം പറഞ്ഞു. താരസംഘടനയായ അമ്മ, സാമ്പത്തികശേഷിയുള്ളവരില്‍നിന്നു പണം സമാഹരിച്ചു രണ്ടുതവണ സഹായം നല്‍കി. ഏറ്റവുമൊടുവില്‍ ധനസമാഹരണം നടത്തിയപ്പോള്‍ പിരിവു നല്‍കാന്‍ നിവൃത്തിയില്ലെന്നു ഒരു നടന്‍ ഇടവേള ബാബുവിനെ വിളിച്ചു പറഞ്ഞു. ലോക്ഡൗണ്‍ മൂലം സ്വന്തം കാറുകളിലൊന്നു വില്‍ക്കേണ്ടി വന്നുവെന്നാണ് അപ്പോള്‍ ബാബു മറുപടി നല്‍കിയത്. ആറു മാസം വരുമാനം ഇല്ലാതാകുമെന്നു ഞങ്ങളാരും പ്രതീക്ഷിച്ചില്ല. കോവിഡ് ആണെങ്കിലും ഒട്ടേറെ സംഘടനകള്‍ക്കും സ്ഥാപനങ്ങള്‍ക്കും വിഡിയോയില്‍ ആശംസകള്‍ ചിത്രീകരിച്ചു നല്‍കുന്നുണ്ട്. സ്വയം മേക്കപ്പിട്ടു സ്വന്തം മൊബൈലില്‍ ചിത്രീകരിച്ച് അയച്ചുകൊടുക്കുകയാണു പതിവ്.