മുരളീധരന് വീണ്ടും തോല്‍വി സുരേന്ദ്രനും തുഷാറും ഭായിഭായി

  കേരളത്തിലെ ബിജെപി ചേരിപ്പോരില്‍ വി മുരളീധരന് വീണ്ടും തിരിച്ചടി , ഘടകക്ഷിയായ ബിഡിജെ എസിലെ തുഷാര്‍ വെള്ളാപ്പള്ളിയെ തകര്‍ക്കാനുള്ള നീക്കത്തില്‍ നിന്ന് അമിത്ഷാ പിന്‍മാറിയതോടെ മുരളീധരന്റെ മനസാക്ഷിയായ സുഭാഷ് വാസു തെറിച്ചു. എസ് എന്‍ ഡി പി നേതൃത്വത്തിനേക്കാള്‍ സമുദായത്തില്‍ സ്വാധീനം ശിവഗിരിമഠത്തിനാണന്ന് വരുത്തി സ്വാമീമാരുടെ പിന്‍തുണയില്‍ ഡല്‍ഹി ബിജെപിയിലെ ശ്രീ നാരായണ നേതാവായി വിലസുകയായിരുന്നു മുരളീധരന്‍ അതിനാണ് തുഷാറും , ഇതുവരെ മുരളീധരന്റെ മനസാക്ഷിയായ സുരേന്ദ്രനും ഒന്നിച്ചതോടെ വിള്ളല്‍ വീണിരിക്കുന്നത്. ഒടുവില്‍ സുഭാഷ് വാസുവിനെ ബിജെപിയും പൂര്‍ണമായി കൈയ്യൊഴിഞ്ഞു. ബിഡിജെഎസ് അധ്യക്ഷന്‍ തുഷാര്‍ വെള്ളാപ്പള്ളിയുടെ ആവശ്യപ്രകാരം സുഭാഷിനെ സ്‌പൈസസ് ബോര്‍ഡ് ചെയര്‍മാന്‍ സ്ഥാനത്തുനിന്നും കേന്ദ്ര വാണിജ്യ മന്ത്രാലയം പുറത്താക്കി. തുഷാറിനെ ഒതുക്കാനായി സുഭാഷ് വാസുവിനെയും മുന്‍ ഡിജിപി ടിപി സെന്‍കുമാറിനെയും രംഗത്തിറക്കിയത് ബിജെപിയിലെ മുരളീധരവിഭാഗമായിരുന്നു. ഇതിന്റെ അടിസ്ഥാനത്തിലായിരുന്നു സുഭാഷ് വാസു വെള്ളാപ്പള്ളി നടേശനും, തുഷാറിനും എതിരെ കടുത്ത വിമര്‍ശനവുമായി രംഗത്തുവന്നത്. എന്നാല്‍ സുഭാഷ് വാസുവിന്റെ നീക്കങ്ങളില്‍ അപകടം മണത്ത തുഷാര്‍ തന്ത്രപരമായി ബിജെപിയുമായി വീണ്ടും അടുത്തു. രാജ്യസഭാംഗത്വവും കേന്ദ്രമന്ത്രിപദവിയും ആവശ്യപ്പെട്ടായിരുന്നു തുഷാര്‍ ആദ്യം ബിജെപിയുമായി ഇടഞ്ഞത്. എന്നാല്‍ ബിഡിജെഎസ് എന്‍ഡിഎയുടെ ഭാഗമായതിന്റെ ശരിയായ വോട്ടുവിഹിതം ഇതുവരെയുള്ള തെരഞ്ഞെടുപ്പുകളിലൊന്നും തങ്ങള്‍ക്ക് ലഭിച്ചിട്ടില്ലെന്നതായിരുന്നു ബിജെപിയുടെ നിലപാട്. അതുണ്ടായെങ്കില്‍ മാത്രമേ കൂടുതല്‍ പദവികള്‍ നല്‍കാനാകൂ എന്ന നിലപാടിലായിരുന്നു കേരളത്തില്‍ ആ സമയം സംസ്ഥാന പ്രസിഡന്റായിരുന്ന മുരളീധരന്‍ . ഇതോടെ ബിജെപിയുമായി കലഹിക്കാന്‍ തയ്യാറായ തുഷാറിനെ ഒതുക്കാനായിരുന്നു സുഭാഷിനെ രംഗത്തിറക്കിയത്. പക്ഷെ തുഷാര്‍ വീണ്ടും തന്ത്രങ്ങള്‍ മെനഞ്ഞതോടെ സുഭാഷ് വാസു പുറത്തായിരിക്കുകയാണ്. ആഴ്ചകള്‍ക്കു മുമ്പ് സുഭാഷിനെ അറസ്റ്റുചെയ്യുന്നതുവരെ എസ്എന്‍ഡിപിയിലെ പോരു മുറുകിയിരുന്നു. ബിജെപി യില്‍ സംസ്ഥാന പ്രസിഡന്റ് ആയതിനുശേഷം ഇതുവരെ മെച്ചപ്പെട്ട പ്രവര്‍ത്തനം കാഴ്ച്ചവയ്ക്കാന്‍ കെ സുരേന്ദ്രന് കഴിഞ്ഞിട്ടില്ല. ഭാരവാഹികള്‍ ഭൂശ്ചിപക്ഷവും സുരേന്ദ്രനെ അംഗീകരിക്കുന്നില്ല. താഴേത്തട്ടില്‍ ആര്‍ എസ് എസില്‍ മേധാവിത്വമുള്ള സമുദായവും സുരേന്ദ്രനെ മുന്നില്‍ നിര്‍ത്തുന്നതിനോട് അസംതൃപ്തി രേഖപ്പെടുത്തിയിട്ടുണ്ട്. അതിനിടയിലാണ് തുഷാറുമായി കൈകോര്‍ത്തി ജില്ലാതല പരിപാടികളുമായി സുരേന്ദ്രന്‍ നീങ്ങുന്നത്. Fന്‍ ഡി എ ജില്ലാ യോഗങ്ങള്‍ വിളിച്ച് തന്റെ അനുയായികള്‍ക്ക് ജില്ലാതല ഇമേജ് സൃഷ്ടിക്കുകയാണ് സുരേന്ദ്രന്‍ ,  ബിഡിജെ എസ് അക്കൗണ്ടില്‍ മധ്യകേരളത്തില്‍ നിയമസഭയിലേക്ക് മത്‌സരിക്കാനും ആലോചനയുണ്ട്.