കമറുദീനെതിരായ കേസ് കേന്ദ്രഏജന്‍സി എത്തുന്നു

കേരളത്തിലെ വിവിധ സാമ്പത്തിക തട്ടിപ്പുകളും സ്വര്‍ണകടത്തും അന്വേഷിക്കുന്ന ഏജന്‍സികള്‍ കാസര്‍ഗോട്ടെ തട്ടിപ്പും അന്വേഷിക്കുന്നു. കഴിഞ്ഞ ദിവസം മുതല്‍ ഇക്കാര്യങ്ങള്‍ നിരീക്ഷിക്കുന്നുണ്ടെന്ന് കൊച്ചിയിലെ ഏറന്‍സികള്‍ രഹസ്യമായി സമ്മതിക്കുന്നു. കേരളത്തിന്റെ പലഭാഗത്തുനിന്ന് പണം സമാഹരിച്ചു എന്ന മൊഴിയുണ്ട്. ആ സംഘങ്ങളിലേക്ക് കമറുദീന്റെ കമ്പനിയുടെ പണം എത്തിയോ എന്നകാര്യം പരിശോധിക്കുകയാണ് ലക്ഷ്യം. നേരത്തെ തന്നെ സ്വര്‍ണതട്ടിപ്പിലെ ബി ജെ പി ബന്ധം പുറത്തുവന്നിരുന്നു. പഴുതടച്ച അന്വേഷണമെന്ന പേരില്‍ കേന്ദ്ര ഏജന്‍സിയെ എത്തിച്ച് ഫാഷന്‍ ഗോള്‍ഡ് നിക്ഷേപ തട്ടിപ്പ് കേസില്‍ മുസ്‌ലിം ലീഗിനെ പ്രതിരോധത്തിലാക്കാന്‍ ബിജെപിയും നീക്കം തുടങ്ങി. സംസ്ഥാന സര്‍ക്കാരിന്റെ ക്രൈംബ്രാഞ്ച് അന്വേഷണം പ്രതികളെ രക്ഷിക്കാന്‍ സഹായിക്കുമെന്നും ബിജെപി കുറ്റപ്പെടുത്തുന്നു. ആദ്യം ലോക്കല്‍ പൊലീസ്, പിന്നെ ജില്ലാ ക്രൈംബ്രാഞ്ച്, ഇപ്പോള്‍ സ്റ്റേറ്റ് ക്രൈംബ്രാഞ്ച്. അന്വേഷണം നീട്ടികൊണ്ടു പോകാനുള്ള ശ്രമമാണെന്നാണ് ബിജെപി ആരോപണം. സമഗ്രമായ അന്വേഷണം നടക്കണമെങ്കില്‍ കേരളത്തിന് പുറത്തുനിന്ന് ഏജന്‍സി വേണം. അത് എത് ഏജന്‍സി അയിരിക്കണമെന്ന ചര്‍ച്ചയിലാണ് ബിജെപി. മഞ്ചേശ്വരം മണ്ഡലത്തില്‍ രണ്ടാംസ്ഥാനത്ത് നില്‍ക്കുന്ന ബിജെപി കിട്ടിയ അവസരം പരമാവധി പ്രയോജനപ്പെടുത്താനാണ് വഴികള്‍ തേടുന്നത്.