വാക്‌സിന്റെ തിരിച്ചടിയോ നാഡീവ്യൂഹത്തിലെ വേദന

  ഓക്‌സ്ഫഡ് സാധ്യതാ വാക്‌സീന്‍ പരീക്ഷണം നിര്‍ത്തിവയ്ക്കാന്‍ ഇടയാക്കിയത് ഇതു സ്വീകരിച്ചവരിലൊരാള്‍ക്ക് 'ട്രാന്‍വേഴ്‌സ് മൈലൈറ്റീസ്' കണ്ടെത്തിയതിനെ തുടര്‍ന്നെന്നു വിവരം. ശരീരത്തിലെ ഏറ്റവും പ്രാധാന്യമേറിയ നാഡിയാണ് സുഷുമ്ന നാഡി. കേന്ദ്ര നാഡീ വ്യവസ്ഥയുടെ ഭാഗമായ നാഡിയാണ് സുഷുമ്ന നാഡി. തലച്ചോറില്‍ നിന്ന് ആരംഭിച്ച് നട്ടെല്ലിനിടയിലൂടെ കടന്നു പോകുന്ന ഈ നാഡിക്ക് ഏകദേശം 45 സെന്റി മീറ്റര്‍ നീളമുണ്ടാകും. തലച്ചോറില്‍ നിന്ന് ശരീരത്തിന്റെ വിവിധ ഭാഗങ്ങളിലേക്കും തിരിച്ചും നാഡീയ സന്ദേശങ്ങള്‍ എത്തിക്കാന്‍ സഹായിക്കുന്നത് സുഷുമ്‌ന നാഡിയാണ്. ഇതിനുണ്ടാകുന്ന ക്ഷതം ശരീര ഭാഗങ്ങളുടെ തളര്‍ച്ചയ്ക്ക് കാരണമാകാറുണ്ട്. ഈ നാഡിയിലെ മറ്റ് ഘടകങ്ങളെ ബാധിക്കുന്നവേദനയെയാണ് മൈലിറ്റിസ് . (നാഡിയെ സംരക്ഷിക്കുന്ന മൈലിന് ഉണ്ടാകുന്ന വീക്കമാണ് ഇപ്പോള്‍ വാക്‌സിന്‍ സ്വീകരിച്ച ആളില്‍ കണ്ടത്തിയിരിക്കുന്നത്.) വാക്‌സീന്‍ ഉല്‍പാദകരായ അസ്ട്രാസെനക ഇന്ത്യയിലെ പങ്കാളിയായ പുണെ സീറം ഇന്‍സ്റ്റിറ്റ്യൂട്ടിനു നല്‍കിയ വിവരങ്ങളിലാണ് ഈ സൂചന. വാക്‌സീന്‍ സ്വീകരിച്ചതുകൊണ്ടാണോ രോഗാവസ്ഥ എന്നതാണ് ഇനി അറിയേണ്ടത്. ഓക്‌സ്ഫഡ് വാക്‌സീന്‍ പരീക്ഷണം നിര്‍ത്തുന്നത് ഇതാദ്യമല്ല. ഏപ്രിലില്‍ ആദ്യ ഘട്ട പരീക്ഷണ സമയത്തും വൊളന്റിയര്‍മാരിലൊരാള്‍ക്കു വിപരീത ഫലമുണ്ടായി പരീക്ഷണം നിര്‍ത്തിയിരുന്നു. സാധ്യതാ വാക്‌സീന്റെ സുരക്ഷിതത്വവും പരീക്ഷണവിവരങ്ങളും ബ്രിട്ടനിലെ മെഡിസിന്‍സ് ആന്‍ഡ് ഹെല്‍ത്ത് കെയര്‍ പ്രോഡക്ട്‌സ് റഗുലേറ്ററി ഏജന്‍സി വീണ്ടും പരിശോധിക്കും. ഇതിന്റെ അടിസ്ഥാനത്തിലായിരിക്കും തീരുമാനം. ഈ മൂന്നു ചോദ്യങ്ങള്‍ക്കുള്ള ഉത്തരമാണ് ശാസത്രലോകം തേടുന്നത്. 1. വാക്‌സീന്‍ സ്വീകരിച്ചതു വഴി ശരീരത്തിലെ പ്രതിരോധ ശേഷിയിലുണ്ടായ മാറ്റം രോഗത്തിന് കാരണമായോ. 2. വാകസിന്‍ എടുത്തതുകൊണ്ട് ശരീരത്തില്‍ നിര്‍ജീവമായിരുന്ന വൈറസുകളേതെങ്കിലും സജീവമായത്. 3. രോഗപ്രതിരോധ സംവിധാനം സ്വന്തം ശരീരത്തെ തന്നെ ആക്രമിക്കുന്ന ഓട്ടോ ഇമ്യൂണ്‍ പ്രതിഭാസം സംഭവിച്ചോ.