കോണ്‍ഗ്രസിനെ തള്ളി ജോസ് കെ മാണി

രണ്ടില ചിഹ്നവും പാര്‍ട്ടിയും കിട്ടിയതിന് പിന്നാലെ കോണ്‍ഗ്രസ് നേതൃത്വം പ്രകടിപ്പിച്ച മൃദുസമീപനം തള്ളിജോസ് പക്ഷത്തിന്റ നീക്കങ്ങള്‍. സിപിഐ കൂടി അനുകൂല നിലപാടെടുത്തതോടെ ഇടതുപക്ഷം ജോസ് കെ. മാണിയുമായി അനൗദ്യോഗിക ചര്‍ച്ചകള്‍ തുടങ്ങിയിട്ടുണ്ട്. നിയമസഭയിലടക്കം അര്‍ഹമായ സീറ്റ് കിട്ടാനിടയില്ലാത്തതിനാല്‍ ജോസ് കെ.മാണി എല്‍ഡിഎഫിലേക്ക് പോകില്ലെന്നായിരുന്നു യുഡിഎഫിന്റ ഇതുവരെയുള്ള വിലയിരുത്തല്‍. എന്നാല്‍ അന്തരീക്ഷം മാറിയെന്ന് ബോധ്യമായതോടെയാണ് വിട്ടു പോകുന്നെങ്കില്‍ രാജ്യസഭ സീറ്റ് രാജിവയ്ക്കാനുള്ള മാന്യത കാണിക്കണമെന്ന് കഴിഞ്ഞ ദിവസം രമേശ് ചെന്നിത്തല തുറന്നടിച്ചത്. കുട്ടനാട് സീറ്റ് ജോസഫ് പക്ഷത്തിന് നല്‍കാനുള്ള തീരുമാനത്തില്‍ മാറ്റമുണ്ടാകില്ല. ജോസ് കെ. മാണി എല്‍ഡിഎഫിലേക്കാണെങ്കില്‍ രാജ്യസഭ സീറ്റ് രാജിവയ്ക്കുന്ന കാര്യത്തിലടക്കം നിലപാട് കടുപ്പിക്കും. കോട്ടയത്ത് ചേര്‍ന്ന സ്റ്റിയറിങ് കമ്മിറ്റി യോഗത്തിലും മുന്നണി മാറ്റത്തില്‍ ജോസ് പക്ഷം തീരുമാനമെടുത്തു, ആകെ ജോസഫ് എം പുതുശേരിമാത്രമാണ് യുഡിഎഫിനുവേണ്ടി സംസാരിച്ചത്.  കടുത്ത നിലപാടിലേക്ക് പോകാനാവില്ല.  കുട്ടനാട് സീറ്റ് പി.ജെ. ജോസഫിനേയും മോന്‍സ് ജോസഫിനേയും വിപ് ലംഘിച്ചതിന്റ പേരില്‍ അയോഗ്യരാക്കാനുള്ള ജോസ് പക്ഷത്തിന്റെ നീക്കത്തേയും ഒറ്റക്കെട്ടായി നേരിടാനായിരിക്കും യുഡിഎഫിന്റ തീരുമാനം. ജോസ് പക്ഷം എല്‍ഡിഎഫിന്റ ഭാഗമായാല്‍ കുട്ടനാട്ടില്‍ തിരിച്ചടിയുണ്ടാകുമോയെന്ന ആശങ്ക യു ഡി എഫിനുണ്ട്.