കോവിഡ് ബാധിച്ച് ഒരാള്‍ കൂടി മരിച്ചു.

കോവിഡ് ബാധിച്ച് കോഴിക്കോട് ഒരാള്‍ കൂടി മരിച്ചു. മാവൂര്‍ കുതിരാടം സ്വദേശി കമ്മുകുട്ടി (58) ആണ് കോഴിക്കോട് മെഡിക്കല്‍ കോളേജില്‍ ഇന്നലെ രാത്രി പത്ത് മണിയോടെമരിച്ചത്. മൂന്നു വര്‍ഷമായി വൃക്ക രോഗത്തിന് ചികിത്സയില്‍ ആയിരുന്നു. ന്യൂമോണിയയും ബാധിച്ചിരുന്നു. ഇതിനിടെ ശനിയാഴ്ച ഡയാലിസിസ് ചെയ്തപ്പോള്‍ അസ്വസ്ഥത ഉണ്ടാവകയും തുടര്‍ന്ന് ഇന്നലെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിക്കുകയുമായിരുന്നു. രാജ്യത്ത് അൺലോക്ക് നാല് ഇന്ന് മുതൽ നിലവിൽ വന്നു. സംസ്ഥാനങ്ങളിൽ കേന്ദ്രത്തിന്റെ പ്രത്യേക അനുമതിയോടെ മാത്രമേ ഇനി മുതൽ നിയന്ത്രണങ്ങൾ ഏർപ്പെടുത്താൻ സാധിക്കു. സെപ്ംതബർ ഏഴ് മുതൽ രാജ്യത്ത് മെട്രോ റെയിൽ സർവീസിന് അനുമതി നൽകി. പ്രത്യേക കൊവിഡ് പ്രൊട്ടോക്കോൾ പാലിച്ചാകും മെട്രോ റെയിൽ സർവീസ് ആരംഭിക്കുന്നത്. സാംസ്‌ക്കാരികകായികവിനോദസാമൂഹിക ആത്മീയരാഷ്ട്രീയ യോഗങ്ങൾക്കും കൂട്ടായ്മകൾക്കും കേന്ദ്രം അനുമതി നൽകി്. പരമാവധി നൂറ് പേർക്ക് വരെ ഇത്തരം പരിപാടികളിൽ പങ്കെടുക്കാം. പങ്കെടുക്കുന്ന എല്ലാവരും മാസ്‌ക് ധരിക്കുകയും സാമൂഹിക അകലം പാലിക്കുകയും വേണം. പരിപാടിക്ക് പങ്കെടുക്കുന്നവർക്ക് തെർമൽ പരിശോധന നിർബന്ധമാണ്. ഹാൻഡ് വാഷും സാനിറ്റൈസറും ഉപയോഗിക്കണം. സെപ്തംബർ 21 മുതൽ ഓപ്പൺ തീയേറ്ററുകൾ പ്രവർത്തിക്കാനുള്ള അനുമതി നൽകി. സിനിമാ തീയേറ്ററുകളും സ്വിമ്മിംഗ് പൂളുകളും അടഞ്ഞു കിടക്കും. സ്‌കൂളുകളും കോളെജുകളും തുറക്കില്ല. എന്നാൽ വിദ്യാഭ്യാസ സ്ഥാപനങ്ങളിൽ ഓൺലൈൻ ക്ലാസ് നടത്താൻ 50 ശതമാനം അധ്യാപകരെ വരാൻ അനുവദിക്കും. 9 മുതൽ 12 വരെ ക്ലാസിലുള്ളവർക്ക് അധ്യാപകരുടെ സഹായം തേടാൻ പുറത്തു പോകാം. സംസ്ഥാനങ്ങൾക്ക് അകത്തെ യാത്രകൾക്കും സംസ്ഥാനന്തര യാത്രകൾക്കും ഒരു തരത്തിലുള്ള നിയന്ത്രണവും പാടില്ലെന്നും ഇത്തരം യാത്രകൾക്കായി പ്രത്യേക പെർമിറ്റ് ഏർപ്പെടുത്താൻ പാടില്ലെന്നും കേന്ദ്രം വ്യക്തമാക്കി്. അതേസമയം 65 വയസിന് മുകളിൽ പ്രായമുള്ളവർക്കും പത്ത് വയസിന് താഴെ പ്രായമുള്ളവർക്കുമുള്ള യാത്രാവിലക്ക് തുടരും. ദേശീയ നൈപുണ്യ പരിശീലന കേന്ദ്രം, ഐ.ടി.ഐകൾ, ഹ്രസ്വകാല പരിശീലന കേന്ദ്രങ്ങൾ തുടങ്ങിയ തൊഴിൽ പരിശീലന കേന്ദ്രങ്ങൾ എന്നിവ തുറക്കാൻ അനുമതി നൽകി. ഉന്നതവിദ്യാഭ്യാസകേന്ദ്രങ്ങളിലെ പി.ജിഗവേഷക വിദ്യാഥികൾക്ക് ലാബുകളിലും പരിശീലനകേന്ദ്രങ്ങളിലും പ്രവേശനം അനുവദിച്ചു. സംസ്ഥാനങ്ങളിലെ കൊവിഡ് സാഹചര്യം വിലയിരുത്തി വേണം ഇതിന് അനുമതി നൽകേണ്ടത്.