കേരളത്തിൽ പുതിയ എയ്ഡഡ് കോളജുകൾ അനുവദിക്കേണ്ടെന്ന് സർക്കാർ ഉത്തരവ്. ആർട്‌സ് ആൻഡ് സയൻസ് കോളജുകൾ ഉൾപ്പെടെയുള്ളവ തൽക്കാലം അനുവദിക്കേണ്ടന്നാണ് സർക്കാർ ഉത്തരവ്. എയ്ഡഡ്, സർക്കാർ മേഖലയിൽ പുതിയ കോളജുകൾ ആവാമെന്ന സംസ്ഥാന ഉന്നത വിദ്യാഭ്യാസ കൗൺസിലിന്റെ ശുപാർശയ്ക്കു വിരുദ്ധമാണ് ഉത്തരവ്. കോളജുകളിൽ അദ്ധ്യാപകരുടേത് ഉൾപ്പെടെ പുതിയ തസ്തികകൾ സൃഷ്ടിക്കുന്നതിനും ഈയിടെ നിരോധനം ഏർപ്പെടുത്തിയിരുന്നു. അതേസമയം, സാമ്പത്തികശേഷിയുള്ള സഹകരണ സ്ഥാപനങ്ങൾക്കു സ്വാശ്രയ മേഖലയിൽ കോളജുകൾ അനുവദിക്കും. പ്രദേശത്തിന്റെ വിദ്യാഭ്യാസ ആവശ്യം പരിഗണിച്ചാണു സർക്കാർ തലത്തിലോ സഹകരണ സ്ഥാപനങ്ങൾക്കോ സ്വാശ്രയ കോളജുകൾ അനുവദിക്കുക.