ഇന്ത്യയിലേക്ക് മതഗ്രന്ഥം കൊണ്ടുവരാം

മന്ത്രി ജലീലിനെതിരെ മാധ്യമങ്ങള്‍ ഉയര്‍ത്തിയ ഒരു നുണകൂടി പൊളിയുകയാണ്. യു എ ഇ കോണ്‍സുലേക്ക് കേരളത്തില്‍ വിതരണം ചെയ്ത റംസാന്‍ റിലീഫ് കിറ്റിനൊപ്പം മതഗ്രന്ഥം നല്‍കിയത് നിയമവിരുദ്ധമാണെന്നായിരുന്ന ആരോപണം. എന്നാല്‍ അത് തെറ്റാണന്ന് തെളിയുകാണിപ്പോള്‍, വിദേശകാര്യ മന്ത്രാലയത്തിന്റെ പ്രോട്ടോകോള്‍ അനുസരിച്ച് മറ്റൊരു രാജ്യത്ത് നിന്നും മതഗ്രന്ഥം കൊണ്ടുവരാം. എന്നാല്‍ ഒരു നയതന്ത്ര പ്രതിനിധിക്കോ ഉദ്യോഗസ്ഥനോ ഇന്ത്യയിലേക്ക് പ്രവേശിക്കണമെങ്കില്‍ എന്തൊക്കെ കൊണ്ടു വരുന്നു എന്നതു സംബന്ധിച്ച സത്യവാങ്മൂലം ഒപ്പിട്ടു നല്‍കണം. കേന്ദ്ര വിദേശകാര്യമന്ത്രാലയം പുറത്തിറക്കിയ ഈ സത്യവാങ്മൂലത്തില്‍ പറയുന്നത് ഇങ്ങനെ; 'മതപരവും വിദ്യാഭ്യാസപരവുമായ പുസ്തകങ്ങള്‍, മാഗസിനുകള്‍, ടൂറിസം ഉള്‍പ്പെടെയുള്ളവയുടെ പ്രോത്സാഹനത്തിനായി അച്ചടിച്ച വസ്തുക്കള്‍ എന്നിവ ഔദ്യോഗിക ആവശ്യത്തിനോ നയതന്ത്ര പ്രതിനിധികളുടെയോ ഉദ്യോഗസ്ഥരുടെയോ അവരുടെ കുടുംബാംഗങ്ങളുടെയോ സ്വകാര്യ ആവശ്യത്തിനോ കൊണ്ടു വരാം. ഫോം 7 എ എന്ന ഈ സത്യവാങ്മൂലം ഇന്ത്യയിലെത്തുന്ന നയതന്ത്ര പ്രതിനിധികളും ഉദ്യോഗസ്ഥരും നിര്‍ബന്ധമായും ഹാജരാക്കണമെന്നതാണ് നിയമം. സത്യവാങ്മൂലത്തിന്റെ 4(iii) ല്‍ ആണ് മതഗ്രന്ഥങ്ങള്‍ ഉള്‍പ്പെടെയുള്ളവ കൊണ്ടു വരുന്നതിനെ കുറിച്ച് വ്യക്തമാക്കിയിരിക്കുന്നത്. എണ്ണം കൃത്യമായി അറിയിക്കണം, അതിന്റെ ഉത്തരവാദിത്വം എത്തിക്കുന്ന വിദേശകാര്യ മന്ത്രാലയത്തിനാണ്. കേരളത്തിലെ യു എ ഇ കോണ്‍സുലേറ്റ് ഔദ്യോഗികമായി വിതരണം ചെയ്ത റംസാന്‍ കിറ്റിനൊപ്പമാണ ഖുറാനും കൊടുത്തത്. അത് അവരുടെ ഔദ്യോഗിക ചടങ്ങ് ആയതിനാല്‍ അവര്‍ ഉത്തരവാദിത്വപൂര്‍വം ചെയ്തു എന്നു വേണം മനസിലാക്കാന്‍. മന്ത്രിയോ സംസ്ഥാന സര്‍ക്കാരോ കേന്ദ്രസര്‍ക്കാരോ ആവശ്യപ്പെട്ടിട്ടല്ല ഇത് വിതരണത്തിനായി എത്തിച്ചിരിക്കുന്നത്. അതിനാല്‍ ഇവിടുത്തെ സര്‍ക്കാരുകള്‍ക്ക് അതില്‍ കാര്യമായി ക്കന്നും ചെയ്യാന്‍ സാധിക്കില്ല.