ആശങ്കയായി യുഎസിലെ മരണനിരക്ക്

കോവിഡ് 19  യുഎസിലെ പുതിയ കണക്ക് ഭീതപ്പെടുത്തുന്നു. ഫ്ലോറിഡയില്‍ മരണനിരക്ക് പതിനായിരം കടന്നു. രോഗവ്യാപനം കൂടുതലുള്ള ടെക്‌സസും കാലിഫോര്‍ണിയയും കടുത്ത ആശങ്കയിലാണ്. 5,714,119 പേര്‍ക്ക് ഇതുവരെ രോഗം ബാധിച്ചു കഴിഞ്ഞു. ഇതില്‍ രാജ്യത്ത് ആകെ 176,667 പേര്‍ മരിച്ചു. സ്‌കൂളുകള്‍ വീണ്ടും തുറക്കുമ്പോള്‍ ആരോഗ്യ പരിപാലന വിദഗ്ധര്‍ മുന്‍നിരയില്‍ നില്‍ക്കുന്നുണ്ടെങ്കിലും അത് എത്രത്തോളം പ്രായോഗികമാണെന്നു കണ്ടറിയണം. രോഗവും മരണവും വർധിക്കുന്നതിനിടെ, തൊഴിലില്ലായ്മയും രൂക്ഷമായിട്ടുണ്ട്. നിരവധി പേരാണ് പരിമിതമായ സാഹചര്യങ്ങളെ നേരിടുന്നത്. 1.1 ദശലക്ഷം യുഎസ് തൊഴിലാളികള്‍ സംസ്ഥാന തൊഴിലില്ലായ്മയ്ക്കായി പുതിയ ക്ലെയിമുകള്‍ ഫയല്‍ ചെയ്തതായി റിപ്പോര്‍ട്ടുണ്ട്. കൊറോണ വൈറസില്‍ നിന്നുള്ള മരണസംഖ്യ 10,000 ത്തില്‍ കൂടുതലായതിനാല്‍ ഫ്ലോറിഡ സംസ്ഥാനം വ്യാഴാഴ്ച കടുത്ത പരിധിയിലെത്തിയതായി ഹോപ്കിന്‍സ് സര്‍വകലാശാലയുടെ പുതിയ ഡേറ്റാബേസ് റിപ്പോര്‍ട്ട് ചെയ്യുന്നു. പതിനായിരമോ അതിലധികമോ മരണങ്ങള്‍ റിപ്പോര്‍ട്ട് ചെയ്യുന്ന അഞ്ചാമത്തെ സംസ്ഥാനമാണ് ഫ്ലോറിഡ. ന്യൂയോര്‍ക്ക്, ന്യൂജഴ്‌സി, കലിഫോര്‍ണിയ, ടെക്‌സസ് എന്നിവയാണ് മറ്റുള്ളവ. ഇത് വ്യാപകമായി പ്രതീക്ഷിക്കപ്പെടുന്ന ഒരു ഇന്‍ഫ്‌ലക്ഷന്‍ പോയിന്റാണ്. ഫ്ലോറിഡയില്‍ വ്യാഴാഴ്ച രാവിലെ 588,000 കേസുകള്‍ കണ്ടെത്തിയിട്ടുണ്ട്.