വരാനിരിക്കുന്ന ദിവസങ്ങളെ നേരിടാൻ നിലവിലുള്ള സംവിധാനം കൊണ്ടു കഴിയില്ല എന്ന് ഉറപ്പായതോടെയാണിത്. രോഗികളുടെ എണ്ണം വർധിക്കുന്നതിന് അനുസരിച്ച് ആരംഭിക്കുന്ന സിഎഫ്എൽടിസികളിലേക്കെല്ലാം ഡോക്ടർ, നഴ്സ്, പാരാമെഡിക്കൽ, ടെക്നിക്കൽ, ശുചീകരണ ജീവനക്കാരെയാണ് ആവശ്യമുള്ളത്. വിദ്യാഭ്യാസ യോഗ്യത അനുസരിച്ച് 3 വിഭാഗം പ്രവർത്തകരെ ആവശ്യമുണ്ട്.  1.മെഡിക്കൽ: ഡോക്ടർമാർ (എംബിബിഎസ്, ഡെന്റൽ, ആയുർവേദം, ഹോമിയോ), നഴ്സ്, ലാബ് ടെക്നിഷ്യൻ, ഫാർമസിസ്റ്റ് തുടങ്ങിയവർ. 2.നോൺ മെഡിക്കൽ: എംബിഎ, എംഎസ്ഡബ്ല്യൂ, എംഎച്ച്എ യോഗ്യതയുള്ളവർ. കോവിഡ് സെന്റർ മാനേജ്മെന്റ്, ഡേറ്റാ എൻട്രി തുടങ്ങിയ ടെക്നിക്കൽ ജോലികൾക്ക് ഇവരെ ഉപയോഗപ്പെടുത്തും 3. മൾട്ടി പർപ്പസ് വിഭാഗം: വിദ്യാഭ്യാസ യോഗ്യത പ്രശ്നമല്ല. ഏതു ജോലിയും ചെയ്യണം. ലഭിക്കുന്ന സൗകര്യങ്ങൾ പരിശീലനം, ആവശ്യമെങ്കിൽ താമസ സൗകര്യം, ദേശീയ ആരോഗ്യ ദൗത്യത്തിന്റെ മാനദണ്ഡം അനുസരിച്ചുള്ള പ്രതിഫലം, കോവിഡ് ആരോഗ്യ ഇൻഷുറൻസ് സംവിധാനം. താൽപര്യമുള്ളവർ ചെയ്യേണ്ടത് covid19jagratha.kerala.nic.in എന്ന വെബ്സൈറ്റിൽ പേരും വിവരങ്ങളും റജിസ്റ്റർ ചെയ്യാം.