ഉമ്മന്‍ചാണ്ടിയെ വീഴ്ത്താന്‍ ചെന്നിത്തലയെ ആയുധം

കെ കരുണാകരനെ ചാരക്കേസിന്റെ പേരില്‍ വീഴ്ത്തിയ ഉമ്മന്‍ചാണ്ടിയെ വീണ്ടും വിവാദങ്ങളില്‍ കുടുക്കാന്‍ തിരുവനന്തപുരത്തെ പഴയ കരുണാകരഅനുകൂലികളുടെ നീക്കം. കെ കരുണാകന്റെ കാലത്ത് വിവിധ സര്‍ക്കാര്‍ സ്ഥാനങ്ങള്‍ വഹിച്ചിരുന്ന ചില വമ്പന്‍മാരാണ് ഈ നീക്കങ്ങള്‍ നടത്തുന്നത്. ഇടയ്ക്ക് ചെന്നിത്തലയെ വെട്ടി ഉമ്മന്‍ചാണ്ടിയെ കേരളത്തിലെ സജീവ നേതാക്കാന്‍ നടത്തിയ നീക്കത്തിനെതിരെയാണ് ഇത്. ഇപ്പോള്‍ ചെന്നിത്തലയുടെ പി ആര്‍ ടീമിലുള്ള പഴയ കരുണാകര വിശ്വസ്ഥരാണ് ഇതിന്റെ ചരടുവലികള്‍. പത്മജാ വേണുഗോലിന്റെ മാനസിക പിന്‍തുണയും ഇവര്‍ക്കുണ്ട്. കണ്‍സള്‍ട്ടന്‍സി അഴിമതികള്‍ അന്വേഷണിക്കണം എന്ന ചെന്നിത്തലയുടെ പുതിയ ആരോപണം അത് ലക്ഷ്യമിട്ടാണ്. ഉമ്മന്‍ചാണ്ടി സര്‍ക്കാര്‍ 'വന്‍കിട' എന്നുവിശേഷിപ്പിച്ച പതിനൊന്ന് പദ്ധതികള്‍ക്ക് മേല്‍നോട്ടം വഹിച്ചത് രാജ്യാന്തര കണ്‍സള്‍ട്ടന്‍സി കമ്പനികള്‍. കേന്ദ്ര ഏജന്‍സിയായ നിക്സി അംഗീകരിച്ച ആറു കണ്‍സള്‍ട്ടന്‍സി കമ്പനി 2011--16ല്‍ കേരള സര്‍ക്കാരിന്റെ പദ്ധതികളുടെ ഭാഗമായി. ഇതൊക്കെ പുറത്തുകൊണ്ടുവരണം എന്നാണ് ഇപ്പോള്‍ ചെന്നിത്തല പറയുന്നത്. ന്ന് പിഡബ്ല്യുസി, ഏണസ്റ്റ് ആന്‍ഡ് യങ്ങ്, കെപിഎംജി, അക്സെഞ്ച്വര്‍, വിപ്രോ, ഡിലോയിറ്റ് തുടങ്ങിയ കമ്പനികള്‍ കേരളത്തിലെ പദ്ധതികളുടെ കണ്‍സള്‍ട്ടന്‍സി ഏറ്റെടുത്തിരുന്നു. 2013ല്‍ തുടങ്ങിയ കേരള പൊലീസിലെ ക്രൈം ആന്‍ഡ് ക്രിമിനല്‍ ട്രാക്കിങ് നെറ്റ്വര്‍ക്ക് ആന്‍ഡ് സിസ്റ്റംസ് (സിസിടിഎന്‍എസ്) ചുമതല അക്സെഞ്ച്വറിനായിരുന്നു. കേരള സ്റ്റേറ്റ് ഐടി മിഷനുകീഴില്‍ 2013--15ല്‍ നടപ്പാക്കിയ സ്റ്റേറ്റ് സര്‍വീസ് ഡെലിവറി ഗേറ്റ്വേ, കേരള സ്റ്റേറ്റ് വൈഡ്ഏരിയ നെറ്റ്വര്‍ക്ക് എന്ന കെ സ്വാന്‍, കേരള ആധാര്‍ യുഐഡി പദ്ധതി (ഏണസ്റ്റ് ആന്‍ഡ് യങ്ങ്), സ്റ്റേറ്റ് റെസിഡന്റ് ഡാറ്റാ ഹബ് (അക്സെഞ്ച്വര്‍) സംസ്ഥാന സര്‍ക്കാരിന്റെ എമര്‍ജിങ് കേരള നിക്ഷേപ സംഗമം (ഡിലോയിറ്റ്, ഏണസ്റ്റ് ആന്‍ഡ് യങ്ങ്, കെപിഎംജി, പിഡബ്ല്യുസി), 2015--16ല്‍ അര്‍ബന്‍ വിഷന്‍ 2020ന്റെ ഭാഗമായി കൊച്ചി, തിരുവനന്തപുരം കോര്‍പറേഷനുകള്‍ക്കായി നടപ്പാക്കിയ ഇ--ഗവേണന്‍സ് പദ്ധതി (വിപ്രോ), കോഴിക്കോട് കോര്‍പറേഷന്റെ നോളജ് സിറ്റി പദ്ധതി (അക്സെഞ്ച്വര്‍), 2015--16ലെ 35--ാമത് ദേശീയ ഗെയിംസ് (പിഡബ്ല്യുസി), കഴക്കൂട്ടം ഗ്രീന്‍ ഫീല്‍ഡ് സ്റ്റേഡിയം നിര്‍മാണത്തിന് നിര്‍വഹണ പങ്കാളിയെ കണ്ടെത്തല്‍ (പിഡബ്ള്യുസി) തുടങ്ങിയവയെല്ലാം കണ്‍സള്‍ട്ടന്‍സി കമ്പനികളെയാണ് ഏല്‍പ്പിച്ചത്. ഇതടക്കം എല്ലാം അന്വേഷിക്കാനുള്ള ഒരുക്കത്തിലാണ് സംസ്ഥാന സര്‍ക്കാര്‍.