കോവിഡില്‍ മീന്‍ വില്ലന്‍

  കോവിഡ് പ്രതിരോധത്തില്‍ മീന്‍ മാര്‍ക്കറ്റുകള്‍ സഹകരിക്കാതെ നിന്നത് സംസ്ഥാനത്തു വന്‍ തിരിച്ചടിയായെന്നു വിമര്‍ശനവും വിലയിരുത്തലും. ഇതര മാര്‍ക്കറ്റുകളില്‍ നടപടികള്‍ ശക്തമാക്കിയപ്പോഴും മീന്‍ മാര്‍ക്കറ്റുകളില്‍ കാര്യമായ പരിശോധന നടന്നില്ലെന്ന് . സാമൂഹിക അകലം പാലിക്കപ്പെടാത്തതു പ്രധാന ന്യുനതയാണ്. മാസ്‌ക് ഉപയോഗവും കാര്യക്ഷമമായിരുന്നില്ല. സംസ്ഥാനത്ത് ആവശ്യമായ മീനിന്റെ ഭൂരിഭാഗവും ആന്ധ്ര, കര്‍ണാടക, തമിഴ്‌നാട് സംസ്ഥാനങ്ങളില്‍ നിന്നാണ് എത്തുന്നത്. ഇതില്‍ ജീവനക്കാരും ഊഒു പരിശോധന കൂടാതെ എത്തി. അതുമാത്രമല്ല ബോട്ടുകളില്‍ പണിക്ക് എത്തിയതും ഭൂരിപക്ഷവും തമിഴ്‌നാട്ടിലെ ജോലിക്കാരാണ്. തീരദേശത്ത് പെട്ടന്ന് സമൂഹവ്യാപനം ഉണ്ടാക്കിയത് മീന്‍ ലോഡുമായി എത്തുന്ന വാഹനങ്ങള്‍ ' അവശ്യസാധനമെന്ന' പ്രത്യേക പരിഗണനയില്‍ കാര്യമായ ആരോഗ്യ പരിശോധന ഇല്ലാതെ കേരളത്തിലേക്ക് കടക്കാനായതും രോഗവ്യാപനത്തിന്റെ തീവ്രത വര്‍ധിപ്പിച്ചതായാണ് വിലയിരുത്തല്‍. ഇതര സംസ്ഥാനങ്ങളിലെ രോഗ വ്യാപനം കണക്കിലെടുത്തുള്ള പ്രതിരോധ നടപടികള്‍ മീന്‍ മാര്‍ക്കറ്റുകളില്‍ ഉണ്ടായില്ലെന്നും ആരോഗ്യ വിദഗ്ധര്‍ ചൂണ്ടിക്കാട്ടുന്നു. പലയിടത്തും അര്‍ദ്ധരാത്രിയില്‍ വ്യാപാരം നടക്കുന്നതിനാല്‍ ആരോഗ്യ പ്രവര്‍ത്തകര്‍ക്ക് ഇത് നിയന്ത്രിക്കുക പ്രയാസമായിരുന്നു. ഒട്ടേറെപ്പേര്‍ക്ക് കോവിഡ് സ്ഥിരീകരിച്ച പട്ടാമ്പിയില്‍ രോഗ ഉറവിടം ഇതര സംസ്ഥാനത്തു നിന്നു ലോഡുമായി എത്തിയവരില്‍ നിന്നാകാം എന്നാണ് ആരോഗ്യവകുപ്പിന്റെ ഇപ്പോഴത്തെ വിലയിരുത്തല്‍.മീന്‍ മാര്‍ക്കറ്റുകളില്‍ കൂടുതലും അതതു തദ്ദേശസ്ഥാപനങ്ങളുടെ നിയന്ത്രണത്തിലാണ്. ആരോഗ്യ, പൊലീസ്, റവന്യു വകുപ്പുകളുമായി സഹകരിച്ചുള്ള പരിശോധനയും കാര്യക്ഷമമായി നടന്നിട്ടില്ല. രാത്രിയോടെ പ്രവര്‍ത്തനം തുടങ്ങുന്ന മീന്‍ മാര്‍ക്കറ്റുകളില്‍ ഓഫിസ് സമയങ്ങളില്‍ പരിശോധന നടത്തിയതു കൊണ്ടു കാര്യമായ ഗുണം ലഭിക്കില്ല.തിരുവനന്തപുരത്തു സ്ഥിതിഗതികള്‍ രൂക്ഷമായതോടെയാണ് സംസ്ഥാനത്തു മീന്‍ മാര്‍ക്കറ്റുകള്‍ കേന്ദ്രീകരിച്ച് ഫലത്തില്‍ കാര്യമായ പരിശോധന ആരംഭിച്ചത്.