കൊവിഡ് : യു ഡി എഫിനെ തള്ളി തരൂര്‍

കേരളത്തില്‍ രോഗബാധ കൂടിയത് സര്‍ക്കാര്‍ വീഴ്ച്ചയാണന്ന യു ഡി എഫ് വാദം തള്ളി ശശിതരൂര്‍ എം . പി . കേരളത്തില്‍ പൂജ്യത്തില്‍ എത്തിയ കൊറോണ വ്യാപനം വീണ്ടും കൂടാനുള്ള കാരണങ്ങള്‍ സംബന്ധിച്ച് ബി ബി സി പ്രസദ്ധീകരിച്ച റിപ്പോര്‍ട്ടിലാണ് യു ഡി എഫ് നിലപാട് ശരിയല്ലന്ന് തെളിയിക്കുന്ന നിലപാട് അദേഹം പറയുന്നത്. കോണ്‍ഗ്രസും യു ഡി എഫും നടത്തുന്ന പ്രചരണത്തിന് വിരുദ്ധവും ശാസ്ത്രീയമായി കാര്യങ്ങള്‍ ഉന്നയിച്ചുള്ള വിശകലനവമാണ് തരൂര്‍ നടത്തിയിരിക്കുന്നത്. കേരള സര്‍ക്കാര്‍ മുന്‍പ് മുന്നോട്ടുവച്ച പുറത്തുനിന്ന് വരുന്നവര്‍ക്ക് രജിസ്‌ട്രേഷന്‍ അടക്കമുള്ള കാര്യങ്ങള്‍ ചെയ്യണമെന്ന പറഞ്ഞത് ശരിയായിരുന്നുവെന്ന് അടിവരയിട്ട് ഉറപ്പിക്കുകയാണ് ബി ബി സി റിപ്പോര്‍ട്ട്.ഇന്നുവരെ ഉണ്ടായിരിക്കുന്നതില്‍ 7000ല്‍ അധികം രോഗികള്‍ക്കും യാത്രാപശ്ചാത്തലമുണ്ട്. തരൂരിന്റെ വാക്കുകള്‍ അനുസരിച്ച്. ലോക്ഡൗണ്‍ യാത്രാ നിയന്ത്രണങ്ങള്‍ പിന്‍വലിച്ചപ്പോള്‍ ജനങ്ങള്‍ കൂട്ടമായി കേരളത്തിലേക്കെത്തി. രോഗവുമായെത്തുന്നവരെ കയറ്റാതിരിക്കാനാവില്ല. രോഗികളാണെങ്കിലും സ്വന്തം നാട്ടിലേക്കു തിരിച്ചെത്താന്‍ എല്ലാ പൗരന്മാര്‍ക്കും ഭരണഘടനാപരമായ അവകാശങ്ങളുണ്ട്. എന്നാല്‍ അതാണ് വലിയ വ്യത്യാസമുണ്ടാക്കിയത്.' - തിരുവനന്തപുരം എംപി ശശി തരൂര്‍ ബിബിസിയോടു പറഞ്ഞു. ഗള്‍ഫ് നാടുകളില്‍നിന്ന് പ്രവാസികളുമായുള്ള ആദ്യ വിമാനം കേരളത്തിലെത്തിയതിനുപിന്നാലെ മുഖ്യമന്ത്രി പിണറായി വിജയനോട് സംസാരിച്ച കാര്യവും തരൂര്‍ കൂട്ടിച്ചേര്‍ക്കുന്നു. രോഗികളായവര്‍ക്കൊപ്പം വിമാനത്തില്‍ വരുന്നവര്‍ക്കുകൂടി രോഗം പകരുന്നുവെന്നും മുഖ്യമന്ത്രി പറഞ്ഞതായി തരൂര്‍ വ്യക്തമാക്കി. മേയ് ആദ്യം മുതല്‍ ഈ ജനപ്രവാഹം പ്രാദേശികമായ സമൂഹവ്യാപനത്തിനു വഴിയിട്ടെന്നാണ് വിലയിരുത്തല്‍. യാത്രാ പശ്ചാത്തലം ഇല്ലാത്തവരില്‍ക്കൂടി രോഗം റിപ്പോര്‍ട്ട് ചെയ്യപ്പെടാന്‍ തുടങ്ങി. അതാണ് നിലവിലെ സ്ഥിക്ക് കാരണമെന്നും ഈ റിപ്പോര്‍ട്ടില്‍ വ്യക്തമാക്കുന്നു. ഇതെല്ലാം മറച്ചുവെച്ച് സര്‍ക്കാര്‍ പരാജയപ്പെട്ടു എന്നു വരുത്താനാണ് യു ഡി എഫ് ശ്രമിച്ചത്, അതിന് തിരിച്ചടി ആയിരിക്കുകയാണ് ശശിതരൂര്‍ എടുത്ത നിലപാട്. കോണ്‍ഗ്രസില്‍ ഹൈബി ഈ ഡന്‍, കെവി തോമസ് തുടങ്ങി ഒരു സംഘം നേതാക്കളും തരൂരിന് ഒപ്പമാണ്.