അന്വേഷണം പുതിയ സംഘങ്ങളിലേക്ക് കുടുങ്ങും വമ്പന്‍മാര്‍

 

രാജ്യത്തെ തകര്‍ക്കാനുള്ള തീവ്രവാദപ്രവര്‍ത്തനങ്ങളെ സഹായിക്കാനായിരുന്നു സ്വര്‍ണക്കടത്തെന്ന് പ്രത്യേക കോടതിയില്‍ എന്‍ഐഎ റിപ്പോര്‍ട്ട് നല്‍കി. സ്വര്‍ണം കടത്താനുള്ള മുഖ്യ ആസൂത്രണം നടന്നത് മറ്റൊരു രാജ്യത്താണന്നും ഇരുരാജ്യങ്ങളും തമ്മിലുള്ള ബന്ധത്തെ ബാധിക്കുന്ന കാര്യമായതിനാല്‍ അക്കാര്യവും വിശദമായി അന്വേഷിക്കുമെന്നും എന്‍ഐഎ വ്യക്തമാക്കി. രണ്ടാംപ്രതി സ്വപ്ന സുരേഷിനെയും നാലാംപ്രതി സന്ദീപ് നായരെയും കസ്റ്റഡിയില്‍ വാങ്ങാനായി കോടതിയില്‍ ഹാജരാക്കിയപ്പോഴാണ് ഇക്കാര്യങ്ങള്‍ അറിയിച്ചത്. 2019 മുതല്‍ ഈ സംഘം സ്വര്‍ണം കടത്തുന്നുണ്ട്. അടുത്തകാലത്ത് രണ്ടുതവണയായി ഒമ്പതു കിലോയും 18 കിലോയും സ്വര്‍ണം നയതന്ത്ര ബാഗേജില്‍ കടത്തിയിട്ടുണ്ട്. കോണ്‍സുലേറ്റിന്റെ സീലും എംബ്ലവും വ്യാജമായി ഉണ്ടാക്കിയുഎഇയില്‍നിന്ന് സ്വര്‍ണം അയക്കാന്‍ കോണ്‍സുലേറ്റിന്റെ സീലും എംബ്ലവും അവിടെ വ്യാജമായി ഉണ്ടാക്കി. അവ പതിപ്പിച്ച പാഴ്സലുകളാണ് പരിശോധനകള്‍ മറികടന്ന് അയക്കുന്നത്. ഇതിനെല്ലാം നേതൃത്വം നല്‍കിയത് മൂന്നാംപ്രതിയാണ്. യുഎഇ കോണ്‍സുലേറ്റിന്റെ പ്രവര്‍ത്തനരീതി അടുത്തറിയാന്‍മാത്രമാണ് സ്വപ്ന ഇവിടെ ജോലി ചെയ്തത്. മൂന്നുവര്‍ഷത്തോളം കോണ്‍സുലേറ്റ് ജനറല്‍ ഓഫീസിലെ എക്സിക്യൂട്ടീവ് സെക്രട്ടറിയായി പ്രവര്‍ത്തിച്ചു. മുഴുവന്‍ സ്വര്‍ണക്കടത്ത് കേസുകളും അതിനുപിന്നില്‍ പ്രവര്‍ത്തിച്ചവരെയും വെളിച്ചത്തുകൊണ്ടുവരാനാണ് ശ്രമിക്കുന്നത്. നേരത്തെ ആഭ്യന്തരമന്ത്രാലയം അന്വേഷിച്ചിരുന്നു. സ്വര്‍ണം കടത്തിയതുസംബന്ധിച്ച് യുഎഇയും അന്വേഷിക്കുന്നുണ്ടെന്നുണ്ടെന്നും എന്‍ഐഎ പറഞ്ഞു.