സ്വര്‍ണകടത്ത് പ്രതികളെ കുടുക്കിയത് കൊവിഡ് പ്രേട്ടോകോള്‍

  അന്വേഷണം തുടങ്ങി രണ്ടു ദിവസത്തിനുള്ളില്‍ കള്ളക്കടത്തു ഏകസിലെ രണ്ട് പ്രതികളെയും പിടികൂടാന്‍ എന്‍ ഐ ഐ സഹായിച്ചത് കൊവി കാലത്തെ രജിസ്‌ട്രേഷന്‍ നടപടികള്‍. അന്വേഷണ ചുമതല ഏറ്റെടുത്ത സമയത്തു തന്നെ കൊച്ചി യൂണിറ്റ് പുറമെ ഹൈദ്രാബാദ് യൂണിറ്റിന്റെ സഹായവും എ ഐ എ ഉറപ്പാക്കിയിരുന്നു. കൊച്ചിയില്‍ ഒരു ചാനലിന് ശബ്ദ്ദരേഖ ലഭിച്ച ഫോണിന്റെ ഐ പി അഡ്രസും അതുവഴി മറ്റ് വിവരങ്ങളും ലഭിച്ചതും സംഘത്തിന്റെ നീക്കം വേഗത്തിലാക്കി. കൊവിഡ ് നിയമം അനുസരിച്ച് കേരളത്തില്‍ നിന്ന് മറ്റ് സംസ്ഥാനങ്ങളിലേക്ക് പോകുന്നവര്‍ അവരുടെ വിവരങ്ങള്‍ അതിര്‍ത്തിയില്‍ ചെല്ലുന്ന സംസ്ഥാനത്തിന് കൃത്യമായി നല്‍കണം. സംഘത്തില്‍ ഉള്ള ഒരു ഫോണ്‍ നംമ്പരും നല്‍കണം. കര്‍ണ്ണാടകത്തിലേക്ക് കടന്ന ഇവര്‍ അവിടുത്തെ സര്‍ക്കാരിന്റെ ഔദ്യോഗിക വെബ്സൈറ്റായ സേവാ സിന്ധുവില്‍ രജിസ്റ്റര്‍ ചെയ്താണ് ബംഗളൂരുവിലേക്കു കടന്നതെന്നാണ് അവിടെ നിന്നുള്ള റിപ്പോര്‍ട്ട് . രജിസ്റ്റര്‍ ചെയ്ത് എത്തുന്ന യാത്രക്കാരുടെ വിവരങ്ങള്‍ അതിര്‍ത്തിയില്‍ പരിശോധിച്ചാണ് കര്‍ണാടക പൊലീസ് കടത്തിവിടുന്നത്. മൂന്നു ദിവസം മുമ്പ്, ബംഗളൂരുവിലുള്ള സഹായിയുടെ വിലാസമാണ് ഇവര്‍ പോര്‍ട്ടലില്‍ രജിസ്റ്റര്‍ ചെയ്യാന്‍ ഉപയോഗിച്ചത്. അന്വേഷണസംഘത്തിന്റെ കണ്ണ് വെട്ടിക്കാന്‍ താമസ സ്ഥലം മാറിക്കൊണ്ടിരിക്കാനായിരുന്നു പദ്ധതി. ശനിയാഴ്ചയാണ് ബംഗളൂരു കോറമംഗലയിലെ ഒക്റ്റാവ് ഹോട്ടലില്‍ മുറിയെടുത്തത്. ബുക്കിങ് ഡോട്ട് കോം എന്ന വെബ്സൈറ്റ് വഴി സന്ദീപാണ് മുറി ബുക്കുചെയ്തത്. ഈ വിവരങ്ങള്‍ പരിശോധിക്കാന്‍ സാധിച്ചതും നേട്ടമായി.