സി പി ഐ നിലപാടുകള്‍ പറയെട്ടെ : ജോസ് കെ മാണി

ഇന്ത്യയിലെ പാരമ്പര്യമുള്ള രാഷ്ട്രീയ പ്രസ്ഥാനമെന്ന നിലയില്‍ വ്യക്തമായ നിലപാട് എടുക്കാനും അവരുടെ കാര്യങ്ങള്‍ വിശദീകരിക്കാനും സി പി ഐക്ക് അവകാശമുണ്ടെന്നും അവര്‍ പറയുന്ന കാര്യങ്ങള്‍ക്കൊന്നും താന്‍ മറുപടി പറയുന്നില്ലന്നും ജോസ് കെ മാണി വ്യക്തമാക്കി. കാനം രാജേന്ദ്രന്‍ രാഷ്ട്രീയ അഭിപ്രായം പറയുന്നതില്‍ ഒരു തെറ്റിമില്ല. ഓരോ രാഷ്ട്രീയ പ്രസ്ഥാനത്തിനും അവരുടെതായ അഭിപ്രായങ്ങളും അജന്‍ഡയും കാണുമെന്നും അദ്ദേഹം പറഞ്ഞു. രാഷ്ട്രീയ നയത്തെ സംബന്ധിച്ചുള്ള ചോദ്യങ്ങള്‍ക്കു പാലായില്‍ മാധ്യമപ്രവര്‍ത്തകരോടു സംസാരിക്കുകയായിരുന്നു അദ്ദേഹം. കേരള കോണ്‍ഗ്രസ് പാര്‍ട്ടിക്ക് വ്യക്തമായ നിലപാടുകളും , പ്രവര്‍ത്തന രീതികളുമുണ്ട്. നിലവിലെ സാഹചര്യത്തില്‍ എല്ലാവരും കേരള കോണ്‍ഗ്രസിനെ ക്ഷണിച്ചിട്ടുണ്ട്. ഒരു മുന്നണിയുമായും ചര്‍ച്ച നടത്തിയിട്ടില്ല. ഉചിതമായ സമയത്ത് ഉചിതമായ തീരുമാനമെടുക്കുമെന്നും ജോസ് കെ. മാണി പറഞ്ഞു. അടുത്തദിവസം ചേരുന്ന സംസ്ഥാന സ്റ്റിയറിംഗ് കമ്മിറ്റി യോഗത്തില്‍ സംഘടനാപരമായ തീരുമാനങ്ങളും ജനകീയ വിഷയങ്ങളും ചര്‍ച്ച ചെയ്യും. കേരളാ കോണ്‍ഗ്രസ് എം ജോസ് വിഭാഗം അടിത്തറയുള്ള പാര്‍ട്ടിയാണ്. പാര്‍ട്ടിയെ കൂടുതല്‍ ശക്തിപ്പെടുത്തുകയാണ് ലക്ഷ്യം. കേരള കോണ്‍ഗ്രസ് എമ്മില്‍നിന്ന് ജോസഫ് വിഭാഗത്തിലേക്ക് നേതാക്കളുടെ കൊഴിഞ്ഞുപോക്കാണെന്ന് പി.ജെ. ജോസഫ് നുണപ്രചാരണം നടത്തുകയാണെന്നും അദ്ദേഹം പറഞ്ഞു.