കേരളം കൈപിടിച്ചു ധാരാവി ജീവിതത്തിലേക്ക്

  കൊവിഡ് പ്രതിരോധത്തില്‍ കേരള മാതൃക നടപ്പിലാക്കിയ ധാരാവി സാധാരണ ജീവിതത്തിലേക്ക് തിരികെ എത്തുന്നു. ലോകത്തിലെ ഏറ്റവും വലിയ ദുരന്തമേഖലയായി മാറുന്നു എന്ന സൂചന നല്‍കിയ മേഖലയാണ് കേരള ചികിതസാ മോഡലിലൂടെ സാധാരണ നിലയിലേക്ക് മാറുന്നത്. കേരളത്തില്‍ ഒന്നാം ഘട്ടത്തില്‍ വിജയകരമായി നടപ്പിലാക്കിയ ഹോക്വാറന്റൈന്‍ രീതിയാണ് ഇവിടെ ഏര്‍പ്പെടുത്തിയത്. മഹാരാഷ്ട്രപൊലീസ് സന്നദ്ധപ്രവര്‍ത്തകര്‍, രാഷ്ട്രീയപ്രവര്‍ത്തകര്‍ എന്നിവര്‍ ഒന്നിച്ചു നിന്നു. കേരളത്തില്‍ നിന്ന് ഡോകറ്റര്‍മാരുടെ സംഘം തന്നെ മുബൈയില്‍ എത്തി ഈ പ്രവര്‍ത്തനങ്ങളുടെ ചുക്കാന്‍ പിടിച്ചു. കേന്ദ്രആരോഗ്യ വകുപ്പിന്റെ നിര്‍ദേശമനുസരിച്ചാണ് കേരളമോഡല്‍ അവിടെ നടപ്പിലാക്കാന്‍ തീരുമാനിച്ചത്. അതനുസരിച്ച് ഏപ്രില്‍ മാസത്തില്‍ കേരള ആരോഗ്യ മന്ത്രിയുമായി മഹാരാഷ്ട്രസംഘം ചര്‍ച്ച നടത്തി. ഇവിടുത്തെ ചികിത്‌സാ പ്രോട്ടോകോള്‍ അവിടെ ഏര്‍പ്പെടുത്താനുള്ള നടപടികള്‍ ഇതിനെ തുടര്‍ന്ന് ഉണ്ടായി. ലോകത്തെ വിറപ്പിച്ച മഹാമാരിയെ പിടിച്ചുകെട്ടാന്‍ പാടുപെടുന്ന വികസ്വര രാജ്യങ്ങള്‍ക്ക് ഒരു മാതൃക കൂടിയാണ് ഇപ്പോള്‍ കേരള മോഡലിലൂടെ തിരിച്ചുവരുന്ന ധാരാവി. മെയ് ആദ്യത്തെ അവസ്ഥയുമായി താരതമ്യപ്പെടുത്തുമ്പോള്‍ പുതിയ കേസുകളുടെ എണ്ണം മൂന്നിലൊന്നായി കുറഞ്ഞു. പകുതിയിലധികം രോഗികള്‍ രോഗമുക്തരായി. എണ്‍പതോളം പേര്‍ ഒരു ശുചിമുറി പങ്കിടുന്ന ചേരിയില്‍ ഈ മാസം മരണങ്ങളുടെ എണ്ണവും കുറഞ്ഞു. കൊവിഡിനെ പിന്‍തുടരുക കണ്ടത്തി ക്വാറന്റൈന്‍ ചെയ്യുക എന്ന രീതിയാണ് കേരളത്തില്‍ ആദ്യം നടപ്പിലാക്കിയത്. മാര്‍ച്ച് 10 ന് തന്നെ കേരളത്തില്‍ ഇത് നടത്തിലാക്കിയിരുന്നു. തീയറ്ററുകള്‍ അടക്കം അടച്ചിട്ടുകൊണ്ടാണ് കേരളം ഇതിലേക്ക് മാറിയത്. മാര്‍ച്ച് 23 നാണ് ഇന്ത്യ ഒട്ടാകെ ലോക്ഡൗണ്‍ വന്നത്. അന്ന് ജനങ്ങളെ ഭയപ്പെടുത്തുന്നു എന്നാണ് പ്രതിപക്ഷ നേതാവ് ആരോപണം ഉന്നയിച്ചത്. ചേരിനിവാസികളുടെ ശരീര താപനില പരിശോധിച്ചു തുടങ്ങിയിരുന്നു. ഇതിനായി ഉദ്യോഗസ്ഥര്‍ 47,500 ഓളം വീടുകള്‍ കയറിയിറങ്ങി. 700,000 ഓളം പേരെ പരിശോധനയ്ക്ക് വിധേയമാക്കി. പനി ക്ലിനിക്കുകള്‍ സജ്ജീകരിച്ചു. രോഗലക്ഷണമുള്ളവരെ ക്വാറന്റീന്‍ കേന്ദ്രങ്ങളിലേക്ക് മാറ്റി. ഇതെല്ലാം ഫലം കണ്ടു. കോവിഡ് പോസിറ്റീവ് സ്ഥിരീകരിച്ച ധാരാവി നിവാസികളില്‍ 51% പേരും സുഖം പ്രാപിച്ചു. മെയ് തുടക്കത്തില്‍ പുതിയ കേസുകള്‍ ഒരു ദിവസം ശരാശരി 60 ആയിരുന്നെങ്കില്‍ പിന്നീട് 20 ആയി കുറഞ്ഞു. ഇപ്പോഴും കേരളത്തിലെ ആരോഗ്യ പ്രവര്‍ത്തകര്‍ മഹാരാഷ്ട്രയില്‍ നിന്ന് മടങ്ങിയിട്ടില്ല.