രാഷ്ട്രീയം കളിക്കാന്‍ യു ഡി എഫ്

• ജീവന്‍ രക്ഷിക്കാന്‍ ജനം

പ്രതിപക്ഷം രാഷ്ട്രീയക്കളി നടത്തി കൊവിഡ് പ്രതിരോധത്തിന്റെ താളം തെറ്റിക്കുമ്പോള്‍ ജനമനസില്‍ അവര്‍ പിന്‍തള്ളപ്പെടുന്നു. ജനങ്ങളെ വീട്ടിനുള്ളിലാക്കി റിവേഴ്‌സ് ക്വാറന്റൈന്‍ രീതിയിലൂടെ രോഗം പടരാനുള്ള സാധ്യത കുറയ്ക്കാനുള്ള പദ്ധതി തായാറാക്കുമ്പോഴാണ് ജനത്തിനെ വഴിയില്‍ ഇറക്കി രാഷ്ട്രീയം കളിക്കാനുള്ള നീക്കം. തിരുവനന്തപുരത്ത് സമൂഹവ്യാപന ഭീതി ക്കടിവാക്കാന്‍ എല്ലാ രാഷ്ട്രീയ കക്ഷികളും ക്കന്നിച്ചു നീങ്ങുമ്പോള്‍ കോണ്‍ഗ്രസും യു ഡി എഫും അതില്‍ നിന്ന് മാറി നില്‍ക്കുകയാണ്. കോണ്‍ഗ്രസ് പിന്‍വലിയുന്നിടത്ത് സേവാഭാരതിയിലൂടെ ആര്‍ എസ് എസ് പിടിമുറുക്കുന്നതും അവരുടെ ശ്രദ്ധയില്‍ വരുന്നതേയില്ല. സംസ്ഥാനത്തിന്റെ ഒരുഭാഗങ്ങളിലും ഗ്രാമീണ മേഖലയില്‍ കോണ്‍ഗ്രസ് പ്രവര്‍ത്തകരോ അവരുടെ സംഘടനാ സംവിധാനങ്ങളോ തയാറല്ല. യു ഡി എഫ് പോലും ഇതിനിടയില്‍ രാഷ്ട്രീയ നീക്കങ്ങള്‍ക്കാണ് സമയം കണ്ടത്തുന്നതും മുഖ്യ പരിഗണന കൊടുക്കുന്നതും. ജനങ്ങള്‍ ഇതിനെ എങ്ങനെ വിലയിരുത്തും എന്ന് പോലും മുതിര്‍ന്ന നേതാക്കള്‍ അടങ്ങുന്ന രാഷ്ട്രീയ കാര്യ സമതി പോലും ആലോചിക്കുന്നില്ല. അടുത്ത തവണ ഭരണം കിട്ടയാല്‍ ആരു മുഖ്യമന്ത്രി, മുന്നണി വിപുലീകരണം, കേരളകോണ്‍ഗ്രസ് തര്‍ക്കം തുടങ്ങിയ പ്രശ്‌നങ്ങള്‍ ചര്‍ച്ച ചെയ്യാനാണ് യു ഡി എഫ് ചേര്‍ന്നിരിക്കുന്നത്. ഇതുവരെ കൊവിഡില്‍ ഒരു ജനകീയ സഹായ പദ്ധതി ഒരുക്കാന്‍ ഇവര്‍ക്ക് കഴിഞ്ഞിട്ടില്ല. ഇതിനെതിരെ യുവജന സംഘടനകള്‍ പ്രതിഷേധം അറിയിച്ചുകഴിഞ്ഞു. യൂത്ത് ലീഗ് മലബാര്‍ മേഖലയില്‍ സ്വന്തംനിലയില്‍ കാര്യങ്ങള്‍ നീക്കി തുടങ്ങി. വരും ദിവസങ്ങളില്‍ ഇതേ രീതിയിലാണ് പോക്കെങ്കില്‍ മുന്നണിയില്‍ നിന്നുതന്നെ എതിര്‍പ്പ് പരസ്യമായി ഉയരും