കൊവിഡ് ബാധിക്കാത്ത കിഴക്കന്‍ ഇന്ത്യ

കൊവിഡ് ബാധിച്ചാല്‍ മരിക്കുമോ ലോകം മുഴുവന്‍ മരണം എന്ന് വിധി എഴുതുമ്പോള്‍ അങ്ങനെ സംഭവിക്കില്ലെന്ന് ഉറപ്പിച്ച് പറയുകയാണ് ഇന്ത്യയിലെ നാല് സംസ്ഥാനങ്ങള്‍. മണിപ്പുര്‍, മിസോറം, നാഗാലാന്‍ഡ്, സിക്കിം എന്നീ സംസ്ഥാനങ്ങളാണ് ഇതുവരെ കൊറോണ മരണത്തെ പടിക്ക് പുറത്ത് നിര്‍ത്തിയിരിക്കുന്നത്. ഈ നാല് സംസ്ഥാനങ്ങളിലും ഇതുവരെ ഒറ്റ കൊറോണ മരണം പോലും റിപ്പോര്‍ട്ട് ചെയ്തിട്ടില്ല. കൊറോണയെ പ്രതിരോധിക്കാനും മരണത്ത തെുരത്താനും വന്‍ മുന്‍കരുതലുകളാണ് ഈ നാല് സംസ്ഥാനങ്ങളും സ്വീകരിച്ചിരിക്കുന്നത്. വടക്കുകിഴക്കന്‍ മേഖലയിലെ കൊവിഡ് കേസുകളുടെ എണ്ണം രാജ്യത്തിന്റെ മറ്റു ഭാഗങ്ങളെ അപേക്ഷിച്ചു കുറവാണെന്നും കേന്ദ്ര സര്‍ക്കാര്‍ അറിയിച്ചു. ഏഴ് വടക്കുകിഴക്കന്‍ സംസ്ഥാനങ്ങളിലും സിക്കിമിലും കൊറോണ വൈറസിനെ നേരിടാന്‍ പരിശോധനാ സൗകര്യങ്ങളും കൊവിഡ് ആശുപത്രികളും തുടക്കത്തില്‍ ഇല്ലായിരുന്നു. എന്നാല്‍ രോഗവ്യാപനം ഏറിയതോടെ അടിസ്ഥാന സൗകര്യങ്ങള്‍ ശക്തിപ്പെടുത്തിയാണ് ഇവര്‍ കൊറോണയെ പ്രതിരോധിച്ചത്. ഇവിടങ്ങളില്‍ 3731 സജീവ കേസുകളേയുള്ളൂ. ഇതിനേക്കാള്‍ കൂടുതലാണ് രോഗമുക്തി നേടിയവര്‍. 5715 പേര്‍ക്കാണു രോഗമുക്തിയുണ്ടായത്. മേഖലയിലെ ആകെ മരണം 12. മണിപ്പുരില്‍ നിലവില്‍ 702 സജീവ കേസുകളുണ്ട്. നാഗാലാന്‍ഡില്‍ 195, മിസോറം 115, സിക്കിം 46 എന്നിങ്ങനെയാണ് ആക്ടീവ് കേസുകള്‍. സംസ്ഥാനം മുഴുവന്‍ വ്യാപിക്കാതെ കോവിഡിനെ ഫലപ്രദമായി തടഞ്ഞ് നിര്‍ത്താന്‍ ഈ സംസ്ഥാനങ്ങള്‍ക്ക് കഴിഞ്ഞു എന്നതാണ് വലിയ ആശ്വാസമായത്.