സംഘപരിവാര്‍ അജണ്ടകള്‍ നടപ്പാകും രാജ്യസഭയിലും ഭൂരിപക്ഷം

രാജ്യസഭാ തിരഞ്ഞെടുപ്പ് കടരഞ്ഞതോടെ മോദി സര്‍ക്കാരിന് സമ്പൂര്‍ണ്ണ ആധിപത്യം. കാശ് ഇറക്കിയും, സ്ഥാനങ്ങള്‍ നല്‍കിയും ആളുകളെ സംഘടിപ്പിച്ച് അംഗബലം കൂട്ടി നടത്തിന്റെ നേട്ടം അവര്‍ എങ്ങനെ നടപ്പാക്കും എന്ന് കാത്തിരുന്ന് കാണേണ്ടിവരും. ഇപ്പോള്‍ ഭരണമുന്നണിക്ക് രാജ്യസഭയില്‍ 101 അംഗങ്ങളായി. എന്‍ഡിഎയും അടിയന്തര ഘട്ടങ്ങളില്‍ പിന്തുണയ്ക്കുന്ന കക്ഷികളും (39) ചേരുമ്പോള്‍ 140 പേരായാതോടെ, ബില്ലുകള്‍ പാസാക്കിയെടുക്കല്‍ സര്‍ക്കാരിന് സാധ്യമാകും. ആദ്യമായാണ് എന്‍.ഡി.എ. അംഗബലം 100 കടക്കുന്നത്. സുഹൃദ് കക്ഷികളായ എ.ഐ.എ.ഡി.എം.കെ. (9), ബി.ജെ.ഡി.(9), വൈ.എസ്.ആര്‍. കോണ്‍ഗ്രസ് (6), ടി.ആര്‍.എസ്. (7) കക്ഷികളുടെയും മറ്റു ചെറുപാര്‍ട്ടികളുടെയും പിന്തുണയുടെ കരുത്തില്‍ രാജ്യസഭയിലും ഭൂരിപക്ഷം ഉറപ്പിക്കുകയാണ് ബിജെപി. ഭൂരിപക്ഷമില്ലാത്തതിനാല്‍ മുന്‍വര്‍ഷങ്ങളില്‍ ഒട്ടേറെ ബില്ലുകള്‍ രാജ്യസഭയില്‍ പാസാക്കാന്‍ സര്‍ക്കാര്‍ വിയര്‍ത്തിരുന്നു. ഈ അവസ്ഥയാണ് മാറുന്നത്. 245 അംഗസഭയില്‍ എന്‍.ഡി.എ.ക്ക് 101 അംഗങ്ങളുടെയും പ്രതിപക്ഷ മുന്നണിയായ യു.പി.എ.ക്ക് 65 അംഗങ്ങളുടെയും പിന്തുണയായി. 79 പേര്‍ രണ്ടു സഖ്യത്തിലും ഉള്‍പ്പെടാത്തവരാണ്. നാമനിര്‍ദ്ദേശം ചെയ്യപ്പെട്ട നാലുപേരും ഒരു പാര്‍ട്ടിയിലും പെടാത്ത രണ്ടുപേരും ബിജെപി.ക്കൊപ്പമാണ്. എസ്പി.(8), ബി.എസ്പി.(4) പാര്‍ട്ടികള്‍ക്ക് കോണ്‍ഗ്രസിനോടുള്ള അകല്‍ച്ചയും വോട്ടെടുപ്പില്‍ ബിജെപി.ക്കു സഹായകമാവും. മാര്‍ച്ചില്‍ 61 രാജ്യസഭാ സീറ്റുകളിലേക്കാണ് തിരഞ്ഞെടുപ്പ് കമ്മിഷന്‍ തിരഞ്ഞെടുപ്പ് പ്രഖ്യാപിച്ചത്. 42 സീറ്റുകളിലേക്ക് എതിരില്ലാതെ സ്ഥാനാര്‍ത്ഥികള്‍ തിരഞ്ഞെടുക്കപ്പെട്ടു. ബാക്കി 19 സീറ്റുകളില്‍ ബിജെപി.-8, കോണ്‍ഗ്രസ്-4, വൈ.എസ്.ആര്‍. കോണ്‍ഗ്രസ്-4, എം.എന്‍.എഫ്., ജെ.എം.എം., എന്‍.പി.പി. -1 വീതമാണ് വെള്ളിയാഴ്ചത്തെ വിജയം. നോമിനേറ്റഡ് അംഗങ്ങളില്‍ പാര്‍ട്ടിയില്‍ ചേര്‍ന്ന 8 പേരുള്‍പ്പെടെ ബിജെപിക്ക് 84 എംപിമാരായി. പാര്‍ട്ടിയില്‍ ചേര്‍ന്നിട്ടില്ലാത്ത 4 നോമിനേറ്റഡ് അംഗങ്ങളും ബിജെപിയുടെ ഭാഗമായി നില്‍ക്കും.