കുവൈററില്‍ നിന്ന് കുടിയിറക്കം

  കൊവിഡ് ഭീതിമൂലം മൂന്നു മാസത്തിനിടെ കുവൈത്തില്‍നിന്ന് ഇന്ത്യക്കാര്‍ ഉള്‍പെടെ 92000 പ്രവാസികള്‍ മടങ്ങിയതായി വ്യോമയാന വകുപ്പ് പത്രകുറിപ്പിലൂടെ വ്യക്തമാക്കി. ഈ ആവശ്യം ഉന്നയിച്ച് വിദേശ രാജ്യങ്ങളില്‍നിന്ന് ലഭിക്കുന്ന അപേക്ഷകള്‍ക്ക് 24 മണിക്കൂറിനകം അനുമതി നല്‍കാറുണ്ടെന്നും വിശദീകരിച്ചു. കോവിഡ് പ്രതിസന്ധിക്കിടയില്‍ രാജ്യാന്തര വിമാനത്താവളം പൂര്‍ണമായി അടച്ചില്ലെന്നും ചരക്കു വിമാനങ്ങള്‍ക്കും പ്രത്യേക വിമാനങ്ങള്‍ക്കും അനുമതി നല്‍കിവരുന്നതായും പറഞ്ഞു. രാജ്യാന്തര വിമാന സര്‍വീസ് തുടങ്ങുന്നത് സംബന്ധിച്ച് തീരുമാനമായിട്ടില്ല. കുവൈത്ത് പൗരന്മാര്‍ക്കും അടുത്ത ബന്ധുക്കള്‍ക്കും വീട്ടുജോലിക്കാര്‍ക്കും ഉപാധികളോടെ തിരിച്ചെത്താന്‍ അനുമതിയുണ്ട്. പ്രത്യേക അനുമതി ലഭിക്കുന്ന വിദ്യാര്‍ഥികള്‍, രോഗികള്‍ എന്നിവര്‍ക്കും യാത്രാനുമതി നല്‍കുന്നുണ്ടെന്ന് വ്യോമയാന വകുപ്പിലെ ഓപറേഷന്‍സ് ഡിപ്പാര്‍ട്ട്‌മെന്റ് ഡയറക്ടര്‍ മന്‍സൂല്‍ അല്‍ ഹാഷിമി പറഞ്ഞു.