കേരള രാഷ്ട്രീയത്തില്‍ , മതങ്ങളുടെ കരുത്ത് ചോരുന്നു

  ഭഗവതി പുത്തന്‍ കൊവിഡ് കാലം കൂടി എത്തിയതോടെ കേരള രാഷ്ട്രീയം പൂര്‍ണ്ണമായും മാറുകയാണ്. മതങ്ങളുടെ കരുത്തില്‍ ഭരണകൂടങ്ങളെ വിറപ്പിച്ച് ആനുകൂല്ല്യങ്ങള്‍ നേടിയിരുന്ന സാമുദായിക സംഘടനകള്‍ എല്ലാം അരങ്ങത്തുനിന്ന് പിന്‍വാങ്ങിക്കഴിഞ്ഞു. പുതിയ പ്രവര്‍ത്തന ശൈലിയിലേക്ക് പൊതുപ്രവര്‍ത്തകരും മാറിക്കഴിഞ്ഞു. സംഘടനയുടെ കരുത്തില്‍ ആള്‍ബലം കാട്ടി ജനങ്ങളെ ഒപ്പം നിര്‍ത്തിയിരുന്ന രാഷ്ട്രീയത്തിന്റെ കാലം പിന്നിടുകയാണന്നാണ് കൊവിഡ് കേരളത്തിന് നല്‍കുന്ന പാഠം. മാധ്യങ്ങളില്‍ പ്രസ്താവനകള്‍ നിറഞ്ഞാലും ജനമനസില്‍ എത്തുകപ്രയാസമാണന്ന് പല പാര്‍ട്ടികളും തിരിച്ചറിഞ്ഞു കഴിഞ്ഞു. കഴിഞ്ഞ പ്രളയകാലത്ത് ഇതിന്റെ ആദ്യഘട്ടം കഴിഞ്ഞുന്നു പക്ഷെ അതു കഴിഞ്ഞും മത സാമുദായിക സംഘടനകള്‍ തലപൊക്കയതോടെ വിളവെടുപ്പില്‍ അവര്‍ മുന്‍പന്തിയില്‍ എത്തി. എന്നാല്‍ ദുരിതത്തിന്റെ നൂറു ദിനങ്ങളില്‍ ഒരിക്കല്‍ പോലും ജനങ്ങള്‍ക്ക് സഹായമായി എത്താന്‍ സാമുദായിക സംഘടനകള്‍ക്ക് കഴിയാതെ വന്നതോടെ അവര്‍ ചവിട്ടി നില്‍ക്കാന്‍ മണ്ണില്ലാത്ത അവസ്ഥയിലേക്ക് മാറിയിരിക്കുകയാണ്. വിദ്യാഭ്യാസ കച്ചവടത്തിന്റെ ലാഭവും ഭണ്ഡാരങ്ങളിലെ കാശുമായിരുന്നു ഈ സംഘടിത ശക്തിയുടെ ഇന്ധനം. ഈ രണ്ട് കാര്യത്തിലും ഒരു ശുദ്ധീകരണം നടത്തി എന്നുള്ളതാണ് കൊവിഡ് കേരളത്തിന് നല്‍കിയ നന്മ എന്ന് നമ്മള്‍ക്ക് വിലയിരുത്തേണ്ടിവരും. ഇപ്പോള്‍ കേരളം ഭരിക്കുന്ന സര്‍ക്കാര്‍ വിദ്യാഭ്യാസ മേഖലയില്‍ വരുത്തിയ പരിഷ്‌കാരങ്ങള്‍ യാഥാര്‍ത്ഥത്തില്‍ കേരളത്തിലെ അണ്‍ എയിഡയഡ് മേഖലയുടെ നടുവ് ഒടിക്കുന്നതായി. സ്വാശ്രയ വിദ്യാഭ്യാസ സ്ഥാപനങ്ങളില്‍ ഭൂരിപക്ഷവും അടച്ചു പൂട്ടലിന്റെ വക്കിലാണ് അതുപോലെ തന്നെയാണ് കൂണ്‍പോലെ മുച്ചുപൊങ്ങിയ സി ബി എസ് ഇ സ്‌കൂളുകളും. ചെറിയ തോതില്‍ തൊഴില്‍ നഷ്ടം ഉണ്ടാകുമെങ്കിലും മദ്യമാഫിയക്കാള്‍ വലിയ മാഫിയയുടെ പിടി കേരളത്തില്‍ കുറഞ്ഞു എന്നത് ആശ്വാസകരമാണ്. ചങ്ങനാശേരിയിലും ചേര്‍ത്തലയിലുമായി നടന്നിരുന്ന ഹിന്ദു മൊത്തകച്ചവടവും , മലപ്പുറത്തും മധ്യതിരുവിതാംകൂറിലുമായി നടന്നിരുന്ന ക്രിസ്ത്യന്‍ മുസ്‌ളീം മൊത്തവ്യാപാരവും പൂര്‍ണ്ണമായും പൊളിയുന്നതോടെ രാഷ്ട്രീയ ഉപജാപകങ്ങള്‍ക്കാണ് തിരിച്ചടി ആകുന്നത്. കേരളത്തില്‍ വേര് ഉറപ്പിക്കന്‍ കൊതിച്ച് പിന്നണിയില്‍ സജീവമായി നില്‍ക്കുന്ന സംഘപരിവാര്‍ ശക്തികളും, യു ഡി എഫ് തണലില്‍ പടര്‍ന്നു പന്തലിക്കുന്നതിന്റെ വേഗത കുറയും. ബി ജെ പി പൂര്‍ണ്ണമായും തങ്ങളുടെ പ്രവര്‍ത്തന പദ്ധതികള്‍ ആസൂത്രണം ചെയ്തത് മതസംഘടനകളുടെ ട്രാക്കിലാണ്. കേരളത്തില്‍ എസ് എന്‍ ഡി പി യെ ഉപയോഗിച്ച് ബി ഡി ജെ എസ് എന്ന പാര്‍ട്ടിക്ക് രൂപം നല്‍കിയത് ഈ ലക്ഷത്തിലാണ് . ആവേശത്തില്‍ രൂപീകരിച്ച പാര്‍ട്ടി ചലനമറ്റ് ഇപ്പോള്‍ ബി ജെ പിക്ക് നോക്കളെ റിക്രൂട്ട് ചെയ്യുന്ന താവളം മാത്രമായി മാറി. യു ഡി എഫ ആവട്ടെ തങ്ങളുടെ പുതിയ പ്രവര്‍ത്തന രീതിമാറ്റേണ്ടത് എങ്ങനെ എന്ന് അറിയാതെ വലയുകയാണ്. പുതു തലമുറ നേതാക്കളെ ചുവട് ഉറപ്പിക്കാന്‍ അനുവദിക്കാത്തതാണ് യു ഡി എഫിന്റെ ഏറ്റവും വിയ തിരിച്ചടി. ഇനി സമ്മേളനങ്ങളും റാലികളും ഓണ്‍ ലൈനിലിക്ക് മാറുകയാണ് അതിന്റെ തുടക്കം കണ്ടു കഴിഞ്ഞു. വരുന്ന തെേദ്ദസ്വയംഭരണ തിരഞ്ഞെടുപ്പില്‍ ഇതിന്റെ രണ്ടാംഘട്ടമാണ് കാണാന്‍ പോകുന്നത്. കേന്ദ്ര സര്‍ക്കാരിന്റെ ജനവിരുദ്ധ നയങ്ങള്‍ക്കെതിരായി സിപിഐ എം ചൊവ്വാഴ്ച സംഘടിപ്പിച്ച പ്രതിഷേധം ഇതില്‍ സമരചരിത്രത്തിലെ പുതിയ അധ്യായമായി. സംസ്ഥാനത്ത് രണ്ടു ലക്ഷത്തില്‍പ്പരം കേന്ദ്രങ്ങളില്‍ 10 ലക്ഷത്തിലധികം പേരാണ് കേന്ദ്രനയത്തിനെതിരെ അണിനിരന്നത്. കോവിഡ് --19 മാനദണ്ഡങ്ങള്‍ പൂര്‍ണമായും പാലിച്ചായിരുന്നു സമരം.