എന്തിനാണ് ഞങ്ങളുടെ സങ്കടം മനസിലാകാത്ത എം പി

  രാഹുലിനോട് ഞങ്ങള്‍ എങ്ങനെ സങ്കടം പറയും, ഒന്ന് അടുത്തു പോലും കാണാന്‍ പറ്റില്ല തോക്കും പൊലീസുമാണ് എന്തിനാണ് ഞങ്ങള്‍ക്ക് അത്തരത്തിലൊരു എം പി . ചോദ്യം കല്‍പറ്റ ടൗണിലെ ്‌വയാപാരി അസലത്തിന്റേതാണ്. രാഹുല്‍ വയനാടിന് എന്ത് മെച്ചം. തെരഞ്ഞെടുപ്പില്‍ വിജയിച്ചാല്‍ത്തന്നെ ഈ മണ്ഡലം ഉപേക്ഷിച്ച് ഹൃദയഭൂമിയായ അമേഠി തെരഞ്ഞെടുക്കുമെന്ന് രാഹുല്‍തന്നെ പറഞ്ഞിട്ടുണ്ട്. ഈ സാഹചര്യത്തില്‍ ഇത്രയും ആഘോഷം എന്തിനെന്ന് എം ബി എ വിദ്യാര്‍ത്ഥിയായ വീണ ചോദിക്കുന്നു. ഈ നാട്ടിലെ കോണ്‍ഗ്രസുകാര്‍ക്ക് ഇവിടെ ജയിക്കുമെന്നുള്ള പേടികൊണ്ടാണോ രാവഹദലിനെ ഇടിക്കിയതോ, അതോ അവിടെ ജയിക്കാത്തതുകൊണ്ടോ കൊച്ചിയില്‍ ഐടി കമ്പനി ജീവനക്കാരനും കല്‍പറ്റ സ്വദേശിയുമായ ജയന്തിന്റെ സംശയമാണ്. സോഷ്യ മീഡിയയിലാണ് രാഹുല്‍ എന്തിന് വയനാട്ടില്‍ എന്ന പ്രചരണം നടക്കുന്നത്. മാത്രമല്ല, മതേതര മുന്നണിയെ ശക്തിപ്പെടുത്താന്‍ മുന്‍കൈ എടുക്കേണ്ട കോണ്‍ഗ്രസ് അധ്യക്ഷന്‍ ഇത്തരമൊരു തീരുമാനം എടുക്കരുതായിരുന്നു എന്ന് ചില കോണ്‍ഗ്രസുകാര്‍തന്നെഅടക്കം പറയുന്നു. വയനാട്ടില്‍ വികസനം എത്തുമെന്ന തരത്തിലുള്ള പ്രചാരണവും നടക്കുന്നുണ്ട്. റോഡുകള്‍, പശ്ചാത്തല സൗകര്യങ്ങള്‍ തുടങ്ങിയവയില്‍ മറ്റേതൊരു ഇന്ത്യന്‍ ഗ്രാമത്തെയും വെല്ലുവിളിക്കുന്ന സൗകര്യങ്ങളാണ് വയനാട്ടിലുള്ളത്. കാര്‍ഷികമേഖലയിലെ പ്രതിസന്ധിക്ക് പരിഹാരം കാണാനും കേന്ദ്ര സര്‍ക്കാരാണ് മുന്‍കൈ എടുക്കേണ്ടത്. വയനാട് ടൂറിസംവികസനത്തില്‍ കാതങ്ങള്‍ മുന്നേറിയെന്ന സത്യമാണ് മറച്ചുവയ്ക്കുന്നത്. രാഹുല്‍ മത്സരിക്കുന്നതോടെ വയനാടിന് എന്തോ കാര്യമായ നേട്ടം ലഭിക്കാന്‍ പോകുന്നു എന്ന് പ്രചരിപ്പിക്കാന്‍ ചിലര്‍ മത്സരിക്കുകയാണ്. വിജയിച്ചാല്‍ത്തന്നെ ഉപതെരഞ്ഞെടുപ്പിന് വയനാട്ടുകാര്‍ തയ്യാറാകണം. പിന്നെന്തിനാണ് ഈ മത്സരം എന്നതാണ് വോട്ടര്‍മാരുടെ ചോദ്യം.