മുരളി വേണുഗോപാലിനെതിരെ ഉമ്മന്‍ചാണ്ടിയുടെ തുറുപ്പ് ഗുലാന്‍

  കേരള മുഖ്യമന്ത്രിപദം സ്വപ്‌നം കണ്ട് ലോകസഭാ തിരഞ്ഞെടുപ്പില്‍ നിന്ന് മാറി നില്‍ക്കുന്ന കെ സി വേണുഗോപാലിന് ഉമ്മന്‍ചാണ്ടി നല്‍കിയ മറുപടിയായി മുരളീധരന്‍. വടകരയിലെ തിരഞ്ഞെടുപ്പില്‍ ഇനി കെട്ടിവച്ച കാശു പോയാലും കോണ്‍ഗ്രസിലെ തന്റേടമുള്ള നേതാവായി മാറി മുരളീധരന്‍. ആരീഫിന്റെ പേര് ആലപ്പുഴയില്‍ പുറത്തുവന്നയുടന്‍ മല്‍സര രംഗത്തുനിന്ന് മാറിയ വേണുഗോപാല്‍ കേരള രാഷ്ട്രീയത്തില്‍ ഒരു കൈ നോക്കും എന്ന് സ്വന്തം വിശ്വസ്ഥരോട് പറഞ്ഞിരുന്നു. എല്ലാ ക്യാമ്പിലും ആളുള്ള അന്നുതന്നെ അതറിഞ്ഞ ഉമ്മന്‍ചാണ്ടി കാര്യങ്ങള്‍ ഒത്തുവരാന്‍ കാത്തിരിക്കുകയായിരുന്നു. കെ സുധാകരന്‍, മുല്ലപ്പള്ളിന്‍ വി എം സുധീരന്‍ എന്നിവരോടൊക്കെ അടവകരയില്‍ മല്‍സരികകാമോ എന്ന ചോദ്യം കെ പി സി സി ചോദിച്ചിരുന്നു എന്നാല്‍ അതില്‍ നിന്ന് എല്ലാവരും പിന്‍മാറുകയായിരുന്നു. അങ്ങനെയാണ് ഉമ്മന്‍ചാണ്ടി മുരളീധരന്റെ പിന്‍തുണ തേടിയത് ഏറെക്കാലമായി കോണ്‍ഗ്രസ് രാഷ്ട്രീയത്തില്‍ നിഴലായി മാറിയിരുന്ന മുരളിക്ക് പുതുജീവന്‍ ലഭിക്കുന്ന ഓഫര്‍ സ്വീകരിക്കാന്‍ ഒരു മറുപടിയും ഉണ്ടായില്ല. ഇതോടെ യുവാക്കളുടെ ഹരമായി വീണ്ടും മുരളിക്ക് വരാന്‍ പറ്റി ഒപ്പം കോണ്‍ഗ്രസിലെ ഹിന്ദു മുഖവും. എന്‍ എന്‍ എസ് നേതൃത്വത്തിന് ഏറ്റവും അടുപ്പമുള്ള നേതാവ് കെ സി വേണുഗോപാലാണ് എന്നാല്‍ മുരളി കളത്തില്‍ സജീവമായാല്‍ അദ്ദേഹത്തെ കൈവിടില്ലന്ന് ഉമ്മന്‍ചാണ്ടിക്കറിയാം, അതിനാല്‍ കേരളത്തിലെ കോണ്‍ഗ്രസിന്റെ ഹിന്ദുമുഖമായി മുരളിയെ അവതരിപ്പിച്ച് ബാക്കി നേതാക്കളുടെ സ്വപ്‌നം തകര്‍ത്തിരിക്കുകയാണ് ഉമ്മന്‍ചാണ്ടി. നിലവില്‍ മല്‍സരിച്ച് ജയിച്ചാല്‍ പഴയ ഡല്‍ഹി ബന്ധങ്ങള്‍ വച്ച് മുരളിക്ക് രാഹുല്‍ ക്യാമ്പിലെ ഒന്നാമന്‍ ആകാന്‍ സാധിക്കും. മറിച്ചാണെങ്കിലും നഷ്ടമില്ല സംസ്ഥാനത്തുടനീളം യുവ ആരാധകരുള്ള നേതാവായി മാറുകയും ചെയതു.