ലീഗ് വഴങ്ങുന്നു പകരം കൂടുതല്‍ നിയമസഭാ സീറ്റ്

  മൂന്നാം ലോക്‌സഭാ സീറ്റിന് പകരം നാല് നിയമസഭാ സീറ്റുകള്‍ അധികമായി അനുവദിച്ചാല്‍ പ്രശ്‌ന പരിഹട്ടരത്തിന് തയാറാണെന്ന് മുസ്‌ളീം ലീഗ്. സീറ്റുകള്‍ ഏതാണെന്നും, ഏത് ജില്ലകളിലാണെന്നും ഇപ്പോള്‍ തന്നെ ചര്‍ച്ച ചെയ്ത് ധാരയില്‍ എത്താമെന്ന് ലീഷ് നേതൃത്വം പറയുന്നു. ലോക്‌സഭാ സീറ്റിനുവേണ്ടി വേണ്ടി അവകാശവാദം ഉന്നയിച്ച മുസ്ലിം ലീഗുമായി കോണ്‍ഗ്രസ് നടത്തിയ നാലുവം ഉഭയകക്ഷി ചര്‍ച്ചയിലാണ് ഈ നിര്‍ദ്ദേശം ഉയര്‍ന്നിരിക്കുന്നത്. . രണ്ട് സീറ്റില്‍ ഒതുങ്ങാന്‍ ലീഗ് നേതൃത്വം സന്നദ്ധമായെങ്കിലും സമസ്തയുടെയും യൂത്ത് ലീഗിന്റെയും കര്‍ക്കശ നിലപാടാണ് കുഞ്ഞാലിക്കുട്ടിയെയും മറ്റും വെട്ടിലാക്കയത്. അതിനെ തുടര്‍ന്നാണ് പുതിയ ഫോര്‍മുല വച്ചിരിക്കുന്നത്. പുതിയ മൂന്ന് യുവ ജന നേതാക്കള്‍ക്ക് അവസരം ലഭിക്കുമെന്നും നിലവിലുള്ള എം പി മാരില്‍ ആരെങ്കിലും മാറി പുതിയ ആളിന് അവസരം നല്‍കാമെന്നും നേതൃത്വം പറയുന്നു. ഇക്കാര്യം ചര്‍ച്ച ചെയ്യുന്നതിനായി ശനിയാഴ്ച മുസ്ലിം ലീഗിന്റെ പ്രവര്‍ത്തക സമിതി യോഗം വിളിച്ചിരിക്കുകയാണ്. വീണ്ടും ചര്‍ച്ചയാകാമെന്ന് കോണ്‍ഗ്രസ് നേതൃത്വം സൂചന നല്‍കിയതായി പി കെ കുഞ്ഞാലിക്കുട്ടി മറ്റു നേതാക്കളെ അറിയിച്ചിട്ടുണ്ട്. ഒമ്പതിന് കോഴിക്കോട്ട് സംസ്ഥാന പ്രവര്‍ത്തക സമിതി യോഗം ചേരും മുമ്പ് ഉഭയകക്ഷി ചര്‍ച്ച നടത്തും. എറണാകുളത്ത് നിശ്ചയിച്ച ചര്‍ച്ചയുടെ ദിവസം തീരുമാനിച്ചിട്ടില്ല. ആവശ്യമെങ്കില്‍ വീണ്ടും ലീഗ് ഉന്നതാധികാര സമിതി ചേരും. കോണ്‍ഗ്രസുമായുള്ള ചര്‍ച്ചയിലെ തീരുമാനങ്ങള്‍ പ്രവര്‍ത്തക സമിതിയില്‍ അവതരിപ്പിക്കും. അന്തിമ തീരുമാനത്തിന് സംസ്ഥാന പ്രസിഡന്റ് പാണക്കാട് ഹൈദരലി ശിഹാബ് തങ്ങളെ ചുമതലപ്പെടുത്തും. മൂന്നാം സീറ്റില്‍ കോണ്‍ഗ്രസുമായി അസ്വാരസ്യം ആഗ്രഹിക്കാത്ത ലീഗ് നേതൃത്വം ആവശ്യം പരമാവധി നീട്ടിക്കൊണ്ടുപോവും. സീറ്റാവശ്യത്തില്‍ നിന്ന് പൊടുന്നനെ പിന്‍വലിഞ്ഞാല്‍ പ്രവര്‍ത്തക വികാരം എതിരാവുമെന്നും ലീഗ് നേതൃത്വം കണക്കുകൂട്ടുന്നു. അതിനാല്‍ നിയമസഭ പറഞ്ഞ് തണുപ്പിക്കാനാണ് ശ്രമം