ഇന്ത്യക്ക് ജയം; ഛേത്രി ടോപ് സ്‌കോറര്‍

സിലിഗുഡി: ഇന്ത്യന്‍ ഫുട്‌ബോളില്‍ ഏറ്റവും കൂടുതല്‍ അന്താരാഷ്ട്ര ഗോളുകളുടെ റെക്കോഡ് സുനില്‍ ഛേത്രി സ്വന്തമാക്കിയ മത്സരത്തില്‍ ഇന്ത്യ നേപ്പാളിനെ മറുപടിയില്ലാത്ത രണ്ടുഗോളുകള്‍ക്ക് തോല്‍പിച്ചു. കളിയുടെ 21 -ാം മിനിറ്റില്‍ ഗോള്‍ നേടിയതോടെ, ഛേത്രിയുടെ പട്ടികയില്‍ 43 ഗോളുകളായി. ബൈച്ചുങ് ബൂട്ടിയയുടെ പേരിലുണ്ടായിരുന്ന റെക്കോഡാണ് ഛേത്രി മറികടന്നത്. ക്ലിഫോര്‍ഡ് മിറാന്‍ഡയാണ് ഇന്ത്യക്കുവേണ്ടി രണ്ടാം ഗോള്‍ നേടിയത്. 107 മത്സരങ്ങളില്‍നിന്ന് 42 ഗോളുകള്‍ നേടിയ ബൂട്ടിയയുടെ റെക്കോഡാണ് ഛേത്രി പഴങ്കഥയാക്കിയത്. 80 മത്സരങ്ങളില്‍നിന്നാണ് ഇന്ത്യന്‍ നായകന്‍ 43 ഗോളുകള്‍ നേടിയത്. 79 മത്സരങ്ങളില്‍നിന്ന് 40 ഗോളുകള്‍ നേടിയ ഐ.എം.വിജയനാണ് മൂന്നാം സ്ഥാനത്തുള്ളത്. ഷബീര്‍ അലി (72 മത്സരങ്ങളില്‍ 23 ഗോളുകള്‍), പി.കെ.ബാനര്‍ജി (36 മത്സരങ്ങളില്‍ 19 ഗോളുകള്‍) എന്നിവരാണ് തുടര്‍ന്നുള്ള സ്ഥാനങ്ങളില്‍. കഴിഞ്ഞ വെള്ളിയാഴ്ച ഇതേ സ്റ്റേഡിയത്തില്‍ ഇന്ത്യ ഫിലിപ്പീന്‍സിനെ നേരിട്ടപ്പോള്‍ ഇരു ടീമുകളും ഒരോ ഗോള്‍ വീതമടിച്ച് സമനിലയില്‍ പിരിഞ്ഞിരുന്നു.എന്നാല്‍ ഫിബ്രവരിയില്‍ പലസ്തീനുമായും ആഗസ്തില്‍ താജിക്കിസ്താനുമായും ഇന്ത്യ