ബൈപ്പാസ് കീഴാറ്റൂര്‍ വയലിലൂടെ തന്നെ കടന്നു പോകുമെന്ന് മുഖ്യമന്ത്രി

കീഴാറ്റൂരിലൂടെ തന്നെ ബൈപ്പാസ് കടന്നു പോകുമെന്ന് മുഖ്യമന്ത്രി പിണറായി വിജയന്‍. സ്വാഭാവിക വികസനത്തിന് തടസ്സം സൃഷ്ടിക്കുമെന്നും അനാവശ്യ എതിര്‍പ്പുകള്‍ക്ക് വഴങ്ങി വികസനത്തിന് തടയിടാന്‍ സാധ്യമല്ലെന്നും മുഖ്യമന്ത്രി നിയമസഭയില്‍ പറഞ്ഞു. പ്രതിപക്ഷ എംഎല്‍എ വിഡി സതീശന്റെ അടിയന്തിര പ്രമേയ നോട്ടീസിന് മറുപടി പറയുകയായിരുന്നു അദ്ദേഹം.

അനാവശ്യ എതിര്‍പ്പുകള്‍ക്ക് പാര്‍ട്ടി വഴങ്ങില്ലെന്നും സിപിഎമ്മുകാര്‍ എതിര്‍ത്തെന്ന് പറഞ്ഞ് വികസനം നിര്‍ത്തണോയെന്നും ചോദിച്ചു. മറ്റൊരു വഴി ചൂണ്ടിക്കാട്ടാന്‍ കീഴാറ്റൂര്‍ സമരക്കാര്‍ക്കും കഴിയുന്നില്ല. അപ്പോള്‍ പിന്നെ ദേശീയപാതാ വികസനത്തിന് മറ്റ് മാര്‍ഗ്ഗമില്ല. ദേശീയപാതാ വികസനത്തിന് പ്രധാന രാഷ്ട്രീയ പാര്‍ട്ടികള്‍ എതിരല്ലെന്ന കാര്യം ഇപ്പോഴും ചിലര്‍ക്ക് മനസ്സിലായിട്ടില്ലെന്നും മുഖ്യമന്ത്രി പറഞ്ഞു.