ഓഹരി വിപണിയില്‍ വന്‍ തിരിച്ചടി ; ഏറ്റവും വലിയ തര്‍ച്ച നേരിടുന്നത് എണ്ണ പ്രകൃതിവാതക വിപണികളില്‍

ഓഹരി വിപണിയില്‍ തുടര്‍ച്ചയായ നഷ്ടത്തില്‍. ചൊവ്വാഴ്ച രാവിലെ വ്യാപാരം ആരംഭിച്ച വിപണി കനത്ത തിരിച്ചടിയാണ് നേരിടുന്നത്. ഒരു ഘട്ടത്തില്‍ സെന്‍സെക്‌സ് 1,200 പോയിന്റ (3.5%) താഴ്ന്ന് 33753.78ലും നിഫ്റ്റി 360 പോയിന്റ് നഷ്ടത്തില്‍ 10,297ലും എത്തിയിരുന്നു. പിന്നീട് കുറച്ചു മുന്നേറ്റം പ്രകടിപ്പിച്ചു. യു.എസ്, ഏഷ്യന്‍ മാര്‍ക്കറ്റുകളിലെ തിരിച്ചടിയാണ് ഇന്ത്യയിലും പ്രതിഫലിക്കുന്നത്. മെറ്റല്‍, ക്യാപിറ്റല്‍ ഗുഡ്‌സ്, ബാങ്കിംഗ്, എണ്ണ പ്രകൃതിവാതക വിപണികളിലാണ് ഏറ്റവും വലിയ തര്‍ച്ച നേരിടുന്നത്. സെന്‍സെക്‌സിലെ എല്ലാ കമ്പനികളുടെ ഓഹരികളും നഷ്ടത്തില്‍ തന്നെയാണ്.