ദളിത് പ്രക്ഷോഭത്തില്‍ നഗരം നിശ്ചലമായി ; മുംബൈ യില്‍ നിരോധനാജ്ഞ

ദളിത് പ്രക്ഷോഭത്തില്‍ നഗരം നിശ്ചലമായി. ദളിത് റാലിക്കു നേര്‍ക്കുണ്ടായ ആക്രമണത്തില്‍ പ്രതിഷേധിച്ച് മുംബൈയില്‍ പ്രക്ഷോഭം. സ്‌കൂളുകളും കോളജുകളും അടച്ചു. ഇതോടെ നഗരത്തില്‍ നാലില്‍ കൂടുതല്‍ പേര്‍ കൂട്ടം കൂടുന്നത് നിരോധിച്ച് പോലീസ് നിര്‍ദേശം നല്‍കി. വാഹനങ്ങള്‍ക്കു നേരെ കല്ലേറുണ്ടായി. പ്രതിഷേധക്കാരില്‍ ഒരാള്‍ തീകൊളുത്തി ആത്മഹത്യയ്ക്കു ശ്രമിച്ചു.

തിങ്കളാഴ്ച പൂനെയില്‍ നടന്ന ഭീമ കൊറിഗണ്‍ യുദ്ധത്തിന്റെ 200 വാര്‍ഷിക അനുസ്മരണത്തില്‍ പങ്കെടുക്കാന്‍ പോയ ദളിതര്‍ക്കു നേരെ ആക്രമണമുണ്ടായതില്‍ പ്രതിഷേധിച്ചായിരുന്നു റോഡ് ഉപരോധം. ആഘോഷത്തില്‍ പങ്കെടുക്കാന്‍ പോയവര്‍ക്കു നേര്‍ക്കുണ്ടായ ആക്രമണത്തില്‍ ഒരാള്‍ കൊല്ലപ്പെട്ടിരുന്നു. നിരവധി പേര്‍ക്ക് പരുക്കേല്‍ക്കുകയും ചെയ്തു. 1818ല്‍ നടന്ന ഈ യുദ്ധത്തില്‍ ദളിതരുടെ സഹായത്തോടെ ബ്രിട്ടീഷ് ഈസ്റ്റ് ഇന്ത്യ കമ്പനി മേല്‍സമുദായക്കാരായ പെഷ്വാ പട്ടാളത്തെ തോല്‍പ്പിച്ചിരുന്നു. വിജയ് ദിവസ് ആയാണ് ഈ ദിവസം ദളിതര്‍ ആഘോഷിക്കുന്നത്.