കണ്ണൂരില്‍ വീണ്ടും സംഘര്‍ഷം : ആര്‍എസ്എസ് പ്രവര്‍ത്തകര്‍ പോലീസ് സ്‌റ്റേഷന് നേരേ ബോംബെറിഞ്ഞു

കണ്ണൂരില്‍ വീണ്ടും രാഷ്ട്രീയ സംഘര്‍ഷം. നിരന്തര സംഘര്‍ഷങ്ങളുടെ പശ്ചാത്തലത്തില്‍ ഇന്നലെ ആര്‍എസ്എസിന്റെ മൂന്നു പ്രവര്‍ത്തകരെ അറസ്റ്റ് ചെയ്തു. ഇതിന് പിന്നാലെയാണ് പോലീസ് സ്‌റ്റേഷന് നേരേ ബോംബേറ് ഉണ്ടായത്. സിപിഎം പ്രവര്‍ത്തകരെ ആക്രമിച്ച കേസിലെ പ്രതികളെയാണ് അറസ്റ്റ് ചെയ്തത്. ആര്‍എസ്എസ് പ്രവര്‍ത്തകര്‍ തന്നെയാണ് ബോംബേറിഞ്ഞതെന്നാണ് പോലീസ് നിലപാട്.

പിണറായിയിലെ കെ മോഹനന്‍ വധക്കേസിലെ പ്രതിയാണ് അറസ്റ്റിലായവരിലുള്ള പ്രേംജിത്ത് എന്ന ആര്‍എസ്എസ് പ്രവര്‍ത്തകന്‍. കഴിഞ്ഞ ദിവസം പാനൂരില്‍ സിപിഎം പ്രവര്‍ത്തകനെ വെട്ടി കൊലപ്പെടുത്താന്‍ പ്രേംജിത്തും സംഘവുമാണ് ശ്രമിച്ചതെന്ന കണ്ടെത്തലോടെയാണ് അറസ്റ്റ് ഉണ്ടായത്.