ബോര്‍ഡില്‍ നിന്നും കിം ജോങ് ഉന്നിനെ പുറത്താക്കാതെ സിപിഎം !

ഉത്തരകറിയന്‍ ഏകാധിപതി കിം ജോങ് ഉന്നിന്റെ ചിത്രമുള്ള ഫള്ക്‌സ് സ്ഥാപിച്ചത് മാറ്റാന്‍ തയ്യാറാകാതെ സിപിഎം ജില്ലാ നേതൃത്വം. പ്രദേശത്തിന്റെ വിവിധ ഭാഗങ്ങളിലായാണ് ഏരിയാ സമ്മേളനത്തിന്റെ ബോര്‍ഡുകള്‍ സ്ഥാപിച്ചിരിക്കുന്നത്. സിപിഎം ഫ്‌ളക്‌സില്‍ കിങ് ജോങ് ഉന്‍ ഇടംപിടിച്ചതിനെ പരിഹസിച്ച് വിടി ബല്‍റാം എംഎല്‍എ രംഗത്ത് വന്നിരുന്നു. ക്രൂരതയുടെ പര്യായമെന്ന് വിശേഷണമുള്ള ഉത്തരകൊറിയന്‍ ഏകാധിപതിയെ പോസ്റ്ററില്‍ ചേര്‍ത്തതിനെതിരെ പാര്‍ട്ടി പ്രവര്‍ത്തകര്‍ക്കിടയിലും, സമ്മേളന പ്രതിനിധികള്‍ക്കിടയിലും അമര്‍ഷം ഉയരുന്നുണ്ട്. ജില്ലാ നേതൃത്വത്തിന്റെ ഇടപെടലിനെത്തുടര്‍ന്ന് നെടുങ്കണ്ടം ടൗണിലെ ബോര്‍ഡ് തിങ്കളാഴചയോടെ മാറ്റിയിരുന്നു. എന്നാല്‍, താന്നിമൂട്ടില്‍ സ്ഥാപിച്ചിരുന്ന ബോര്‍ഡ് നീക്കിയിട്ടില്ല. അമേരിക്കന്‍ പ്രസിഡന്റ് ഡോണള്‍ഡ് ട്രംപിനോട് കിടപിടിക്കാന്‍ ശേഷിയുള്ള കമ്യൂണിസ്റ്റ് നേതാവെന്ന നിലയിലാണ് കിം ജോങ്ങിന്റെ ബോര്‍ഡ് സിപിഎം സ്ഥാപിച്ചിരിക്കുന്നത്.