ലോക്‌സഭാ തെരഞ്ഞെടുപ്പിന് മുന്‍പ് മുന്നണി പ്രവേശനം സംബന്ധിച്ച് തീരുമാനമെടുക്കും : കെ.എം മാണി

ലോക്‌സഭാ തെരഞ്ഞെടുപ്പിന് മുന്‍പ് മുന്നണി പ്രവേശനം സംബന്ധിച്ച് തീരുമാനമെടുക്കുമെന്ന് കെ.എം മാണി. യു.ഡി.എഫ് വിട്ടതോടെ ഞങ്ങളുടെ കഥ അവസാനിച്ചുവെന്നാണ് പലരും കരുതിയത്. എന്നാല്‍ വിമര്‍ശിച്ചവര്‍ തന്നെ ഇപ്പോള്‍ ഞങ്ങള്‍ ശക്തി തെളിയിച്ചതായി സമ്മതിക്കുന്നുവെന്നും മാണി പറഞ്ഞു. സംസ്ഥാന സമ്മേളനത്തില്‍ മുന്നണി പ്രവേശനമായിരിക്കില്ല പ്രധാന ചര്‍ച്ച. കേരള കോണ്‍ഗ്രസിന്റെ ഭാവിയെ സംബന്ധിച്ചയിരിക്കും. ഒരു മുന്നണിയിലുമില്ലാതെ സ്വതന്ത്രമായി നില്‍ക്കാനാകുമെന്ന് ഞങ്ങള്‍ തെളിയിച്ചു. വേണമെങ്കില്‍ ഇങ്ങനെ തുടര്‍ന്ന് പോകുമെന്നും മാണി പറഞ്ഞു. പാര്‍ട്ടി സമ്മേളനത്തിന് മുന്നോടിയായി മാധ്യമങ്ങളോട് സംസാരിക്കുകയായിരുന്നു അദ്ദേഹം.