ജര്‍മ്മനിയിലെ ഭരണപ്രതിസന്ധിക്ക്‌ പരിഹാരം കണ്ടെത്താന്‍ പ്രസിഡന്റിന്റെ നീക്കം !

ജര്‍മനിയില്‍ ഭരണ പ്രതിസന്ധി തുടരുമ്പോള്‍ പ്രസിഡന്റ് ഫ്രാങ്ക് വാള്‍ട്ടര്‍ സൈ്റ്റന്‍മെയറിലേക്കാണ്‌ എല്ലാവരും ഉറ്റുനോക്കുന്നത്. സാധാരണഗതിയില്‍ ആലങ്കാരിക പദവി മാത്രമായ പ്രസിഡന്റ് സ്ഥാനത്തിരുന്ന് നിര്‍ണായകമായ വിവേചനാധികാരങ്ങള്‍ ഉപയോഗിക്കാന്‍ സാധിക്കുന്ന അത്യപൂര്‍വ അവസരങ്ങളിലൊന്നാണിത്. സൈ്റ്റന്‍മെയര്‍ ഈ സാഹചര്യം എങ്ങനെ കൈകാര്യം ചെയ്യാന്‍ പോകുന്നു എന്നത് ജര്‍മനിയുടെ മാത്രമല്ല യൂറോപ്പിന്റെ ആകമാനം ആകാംക്ഷയാണ്.

ഒരു പാര്‍ട്ടിക്കും സര്‍ക്കാര്‍ രൂപീകരിക്കാനാവാതെ രാജ്യം വീണ്ടും തെരഞ്ഞെടുപ്പിനെ മുന്നില്‍ കാണുന്ന സാഹചര്യം യുദ്ധാനന്തര ജര്‍മനിയില്‍ ആദ്യമാണ്. ജര്‍മനിയിലെ ഏറ്റവും ജനപ്രിയനും വിശ്വസ്തനുമായ നേതാക്കളിലൊരാളാണ് സൈ്റ്റന്‍മെയര്‍. രാജ്യത്തെ തെരഞ്ഞെടുപ്പിലേക്കു നയിക്കണോ മന്ത്രിസഭാ രൂപീകരണത്തിനു മറ്റു മാര്‍ഗങ്ങള്‍ സ്വീകരിക്കാന്‍ പ്രമുഖ പാര്‍ട്ടികളെ നിര്‍ബന്ധിക്കണോ എന്ന കാര്യത്തില്‍ അദ്ദേഹത്തിന്റെ നിലപാടുകള്‍ നിര്‍ണായകമാകും.