‘കേരളം യുപിയെ കണ്ടു പഠിക്കട്ടെ’ എന്ന് യോഗി ആദിത്യനാഥ്‌ !

'കേരള സര്‍ക്കാര്‍ ഗുജറാത്തിനെ കണ്ടു പഠിക്കട്ടെ. കഴിഞ്ഞ ഒരു കൊല്ലത്തിനിടെ ഡെങ്കിപ്പനി പിടിപ്പെട്ട് കേരളത്തില്‍ 300 പേര്‍ മരിച്ചില്ലേ? ഇത്രയും വലിയ സംസ്ഥാനമായിട്ടും യുപിയില്‍ മരണസംഖ്യ കേരളത്തേക്കാള്‍ കുറവാണ്. ചിക്കുന്‍ ഗുനിയ പിടിച്ചും കേരളത്തില്‍ എത്രപേര്‍ മരിച്ചു?. യുപിയില്‍ ഒരാള്‍ പോലും മരിച്ചിട്ടില്ല, കണ്ടു പഠിക്കട്ടെയെന്ന് യോഗി ആദിത്യനാഥ്‌. ജനരക്ഷായാത്രയില്‍ പങ്കെടുക്കാന്‍ എത്തിയ യോഗി ആദിത്യ നാഥിനെ 'കേരളം സന്ദര്‍ശിക്കുന്ന യുപി മുഖ്യമന്ത്രിയെ ഇവിടുത്തെ ആശുപത്രികളില്‍ സന്ദര്‍ശനം നടത്തണം,കേരളത്തിലെ ആശുപത്രികള്‍ കണ്ടു പഠിക്കട്ടെ, ' എന്ന ട്വീറ്റോടെയാണ് സിപിഎം സ്വാഗതം ചെയ്തത്. ഇതിന് മറുപടിയാണ് യോഗിയുടെ യുപി കണ്ടുപഠിക്കല്‍. ഈ വര്‍ഷം നൂറിലധികം കുട്ടികളാണ് യുപി ഗോരഖ്പൂര്‍ സര്‍ക്കാര്‍ ആശുപത്രിയില്‍ ഓക്‌സിജന്‍ കിട്ടാതെ മരിച്ചത്.