സദ്ദാം ഹുസൈന്റെ മോഷ്ടിക്കപ്പെട്ട ചതുരംഗ പലക തിരികെ നല്‍കി അമേരിക്ക

സദ്ദാം ഹുസൈന്റെ മോഷ്ടിക്കപ്പെട്ട ചതുരംഗ പലക തിരികെ നല്‍കി അമേരിക്ക. സദ്ദാമിനെ പിടികൂടി തൂക്കിലേറ്റി 11 വര്‍ഷത്തിന് ശേഷമാണ് അമേരിക്ക അദ്ദേഹത്തിന്റെ ചെസ് ബോര്‍ഡ് തിരികെ നല്‍കിയത്. ഇറാഖിലെ മ്യൂസിയത്തില്‍ നിന്നും പുരാതനമായ ആയിരക്കണക്കിന് വസ്തുക്കളാണ് 2003ലെ യുദ്ധസമയത്ത് മോഷ്ടക്കപെട്ടിട്ടുള്ളത്. ഇതില്‍ 200 ഓളം ഇറാഖി പ്രസിഡന്റിന്റെ കൊട്ടാരത്തില്‍ നിന്നുമാണ് മോഷ്ടിക്കപ്പെട്ടത്. ഇങ്ങനെ നഷ്ടപ്പെട്ടതാണ് അമൂല്യമായ ലോഹത്തില്‍ തീര്‍ത്ത സ്വര്‍ണം പൂശിയ ഈ ചെസ് ബോര്‍ഡ്.

ശനിയാഴ്ച ബാഗ്ദാദിലെ യു.എസ്. എംബസിയില്‍വെച്ചാണ് ചെസ്ബോര്‍ഡ് ഇറാഖ് അധികൃതര്‍ക്ക് തിരികെ നല്‍കിയത്. എപ്പോഴാണ് ഈ ചെസ് ബോര്‍ഡ് അമേരിക്കയുടെ കൈയ്യില്‍ എത്തിയതെന്ന കാര്യത്തില്‍ വ്യക്തത വരുത്തിയിട്ടില്ല. പിന്നീട് 2015ല്‍ കടത്തിക്കൊണ്ടുപോയ നിരവധി അമൂല്യ വസ്തുക്കള്‍ അമേരിക്ക, ഇറ്റലി, ജോര്‍ദ്ദാന്‍ എന്നീ രാജ്യങ്ങളില്‍ നിന്നും കണ്ടെത്തിയിരുന്നു.