ദിലീപിന് അനുകൂലമായി സിനിമാലോകം ; സേവ് ദിലീപ് ഫോറം രൂപീകരിക്കും

ജയിലില്‍ നടന്‍ ദിലീപിനെ കാണാന്‍ വമ്പന്‍ താരനിര. ദിലീപിന്റെ ഭാര്യ കാവ്യാ മാധവനും മകള്‍ മീനാക്ഷിയും ജയിലില്‍ എത്തിയതിന് പിന്നാലെയാണ് വന്‍ താരനിര ജയിലിലേക്ക് ഒഴുകിയെത്തിയത്. നടന്‍ ജയറാം, കലാഭവന്‍ ഷാജോണ്‍, സുരേഷ് കൃഷ്ണ, ഹരിശ്രീ അശോകന്‍ നടനും എംഎല്‍എയുമായ ഗണേഷ് കുമാര്‍ തുടങ്ങിയവരാണ് ദിലീപിനെ കാണാന്‍ ജയിലില്‍ എത്തിയത്. സംവിധായകരായ രഞ്ജിത്ത്, നാദിര്‍ഷ തുടങ്ങിയവരും ജയിലിലെത്തി ദിലീപിനെ കണ്ടു.

തിരുവോണ ദിനത്തിലാണ് ജയറാം ദിലീപിനെ കാണാന്‍ എത്തിയത്. ദിലീപിന് അനുകൂലമായി സിനിമാലോകം മാറുന്നതിന് പിന്നാലെ താരസംഘടനയായ അമ്മയില്‍ ഭിന്നത രൂക്ഷമാകുന്നതായും റിപ്പോര്‍ട്ടുകളുണ്ട്. സിദ്ദിഖ് അടക്കമുള്ള താരങ്ങള്‍ തുടക്കം മുതല്‍ ദിലീപിന് അനുകൂലമായിരുന്നു. കോടതി കുറ്റക്കാരനാണെന്ന് പറയുന്നതിന് മുമ്പ് ദിലീപിനെ പുറത്താക്കിയത് ശരിയായില്ലെന്ന് നിലപാടാണ് ഈ വിഭാത്തിന്. ഇതിനിടെ ദിലീപിന് വേണ്ടി സേവ് ദിലീപ് ഫോറം രൂപീകരിക്കാനും ശ്രമം തുടങ്ങി.