കുടുംബത്തില്‍ പിറന്ന സ്ത്രീകള്‍ സ്ത്രീസമത്വം പറഞ്ഞ് ചന്തപ്പണിക്ക് ഇറങ്ങില്ലെന്ന്‌ പി.സി.ജോര്‍ജ്

പുഞ്ഞാര്‍ എംഎല്‍എ പി.സി. ജോര്‍ജിന്റെ സ്ത്രീ വിരുദ്ധവാദം വീണ്ടും വിവാദമാകുന്നു. കുടുംബത്തില്‍ പിറന്ന സ്ത്രീകള്‍ സ്ത്രീസമത്വം പറയാനോ, ചന്തപ്പണിക്കോ പോകില്ലെന്ന് പി.സി. ജോര്‍ജ്.

ജനപക്ഷം ജില്ലാ നേതൃയോഗം ഉദ്ഘാടനം ചെയ്താണ് പി.സി.ജോര്‍ജ് വീണ്ടും ആഞ്ഞടിച്ചത്. സ്ത്രീ പുരുഷന്റെ ചങ്കാണ്. അവര്‍ക്ക് തലയിലല്ല ഹൃദയത്തിലാണ് സ്ഥാനമെന്നും പി.സി.ജോര്‍ജ് പറഞ്ഞു. കഴിഞ്ഞ ദിവസങ്ങളില്‍ കൊച്ചിയില്‍ ആക്രമിക്കപ്പെട്ട നടിയെക്കുറിച്ച് പരാമര്‍ശം നടത്തിയതിനു പിന്നാലെ വനിതാ കമ്മിഷന്‍ ഇടപെടുകയും പി.സിക്കെതിരെ കേസെടുക്കുകയും ചെയ്തിരുന്നു. വനിതാ കമ്മീഷനെതിരെയും പി.സി ജോര്‍ജ് തുറന്നടിച്ചിരുന്നു. വിവാദ പരാമര്‍ശത്തിന്റെ പേരില്‍ സ്പീക്കര്‍ ഉള്‍പ്പെടെയുള്ളവര്‍ പി.സിക്കെതിരെ രംഗത്തെത്തുകയും ചെയ്തിരുന്നു.