കാത്തിരുന്ന നിമിഷം : ഫോമ അംഗങ്ങള്‍ ഓണത്തിന് അനന്തപുരിയില്‍ സംഗമിക്കുന്നു !

ഓണത്തിന് അമേരിക്കന്‍ മലയാളികള്‍ തലസ്ഥാന നഗരിയില്‍ സംഗമിക്കുന്നു. നീണ്ടനാളത്തെ കാത്തിരിപ്പുകള്‍ക്ക് ശേഷമാണ് ഓരോ പ്രവാസിയും സ്വന്തം നാട്ടില്‍ ഒന്ന് ഒത്തുചേരുന്നത്. ആ കൂടിക്കഴ്ചകളില്‍ ഓരോരുത്തരും തങ്ങളുടെ വിശേഷങ്ങള്‍ മറ്റുള്ളവരുമായി പങ്കുവെയ്ക്കാന്‍ വെമ്പല്‍ കൊള്ളുന്ന കാഴ്ചയാണ് ഏറെ കൗതുകകരവും.

മലയാളിയുടെ സ്വന്തം ഉത്സവമായ ഓണത്തിന് കേരളത്തില്‍ ഒത്തുകൂടുന്നതില്‍ പരം എന്ത് സന്തോഷമാണ് മറ്റ് രാജ്യങ്ങളില്‍ റഡിമെയ്ഡ് ആഘോഷത്തിന് കിട്ടുന്നത്. എന്തായാലും ഇത്തവണ ഫോമ ( ഫെഡറേഷന്‍ ഓഫ് മലയാളി അസോസിയേഷന്‍ ഓഫ് അമേരിക്കാസ് ) യിലെ അംഗങ്ങളെല്ലാം ഓണത്തിന് സംഗമിക്കുന്നത് അനന്തപുരിയുടെ മണ്ണിലാണ്. അത് ഈ കൂട്ടായ്മയുടെ തിളക്കം ഒന്നുകൂടി വര്‍ദ്ധിപ്പിക്കുന്നു എന്ന് വേണം പറയാന്‍.

തിരുവനന്തപുരം മസ്‌ക്കറ്റ് ഹോട്ടലില്‍ ഓഗസ്റ്റ് നാലിനാണ് കണ്‍വെന്‍ഷന്‍ നടക്കുന്നത്. ഉച്ചയ്ക്ക് 2.30 ന് നടക്കുന്ന കണ്‍വെന്‍ഷന്റെ ഉദ്ഘാടനം മുഖ്യമന്ത്രി പിണറായി വിജയന്‍ നിര്‍വ്വഹിക്കും. ഫോമ പ്രതിനിധികള്‍ ഉള്‍പ്പടെ രാഷ്ട്രീയ രംഗങ്ങളിലെ പ്രമുഖരും ചടങ്ങില്‍ പങ്കെടുക്കുന്നുണ്ട്.