ആറു വര്‍ഷത്തെ ചലച്ചിത്ര ആവാര്‍ഡുകള്‍ ഒന്നിച്ച് പ്രഖ്യാപിച്ച് തമിഴ്‌നാട്

എട്ടു വര്‍ഷത്തെ ഇടവേളയ്ക്ക് ശേഷം ആറു വര്‍ഷത്തെ ചലച്ചിത്ര അവാര്‍ഡുകള്‍ പ്രഖ്യാപിച്ച് തമിഴ്‌നാട് സര്‍ക്കാര്‍. 2009 മുതല്‍ 2014 വരെയുള്ള അവാര്‍ഡ് പ്രഖ്യാപനമുണ്ടായിരിക്കുന്നത്. മുന്‍ ജഡ്ജി എ.രാമന്‍ അധ്യക്ഷനായ ജൂറിയാണ് ജേതാക്കളെ കണ്ടെത്തിയത്. മലയാളികള്‍ക്ക് ഏറെ പ്രധാന്യം നല്‍കിയാണ് പുരസ്‌കാരങ്ങള്‍ പ്രഖ്യാപിച്ചിരിക്കുന്നത്പൃഥ്വിരാജിന് മികച്ച വില്ലനുള്ള പുരസ്‌കാരവും, ആറില്‍ നാല് വര്‍ഷങ്ങളിലും മികച്ച നടിമാരായിരിക്കുന്നത് മലയാളികളാണ്. അമലാപോള്‍, ഇനിയ, ലക്ഷ്മി മേനോന്‍, നയന്‍താര എന്നിവരാണ് പുരസ്‌കാരത്തിന് അര്‍ഹരായിരിക്കുന്നത്. മൈന എന്ന ചിത്രത്തിലെ അഭിനയത്തിലാണ് അമലാ പോളിന് അവാര്‍ഡ് നല്‍കിയിരിക്കുന്നത്. അല്‍ഫോണ്‍സ് പുത്രന്‍ സംവിധാനം ചെയ്ത നേരത്തിന്റെ തമിഴ് പതിപ്പിലെ അഭിനയത്തിന് നസ്രിയ നസിം പ്രത്യേക പുരസ്‌കാരത്തിന് അര്‍ഹയായി.