നടിയുടെ ആക്രമണവും ദിലീപിന്റെ അറസ്റ്റും പ്രതികരിക്കാതെ മഞ്ജു വിദേശത്ത്‌

ദിലീപിനെ അറസ്റ്റ് ചെയ്തതില്‍ നിരവധി പേര്‍ പ്രതികരണവുമായി രംഗത്ത് വന്നിരുന്നു. എന്നാല്‍ ദിലീപിന്റെ ആദ്യ ഭാര്യയായ മഞ്ജു വാര്യര്‍ സംഭവത്തെക്കുറിച്ച് ഇതുവരെ പ്രതികരണം ഒന്നും നടത്തിയിട്ടില്ല. 14 വര്‍ഷം നീണ്ട് നിന്ന ദാമ്പത്യത്തിനൊടുവിലാണ് ഇരുവരും വേര്‍പിരിഞ്ഞത്.

സംഭവത്തില്‍ ദിലീപിന്റെ അറസ്റ്റ് നടക്കുമ്പോള്‍ മഞ്ജു വാര്യര്‍ കമല്‍ ചിത്രമായ ആമിയില്‍ അഭിനയിച്ചു കൊണ്ടിരിക്കുകയായിരുന്നു. കൊച്ചിയില്‍ നടി ആക്രമിക്കപ്പെട്ട സംഭവത്തില്‍ ക്രിമിനല്‍ ഗൂഢാലോചനയുണ്ടെന്ന് മുന്‍പേ മഞ്ജു വാര്യര്‍ അഭിപ്രായപ്പെട്ടിരുന്നു.

എന്നാല്‍ സംഭവത്തില്‍ ഒരു പ്രതികരണവും നല്‍കാതെ പ്രമുഖ ജ്വല്ലറിയുടെ ഷോറൂമുകളുടെ ഉദ്ഘാടത്തിനായി പ്രഭുവിനൊപ്പം വിദേശത്തേക്ക് പോയിരിക്കുകയാണ് മഞ്ജു വാര്യര്‍. റാസല്‍ഖൈാമയിലും അജ്മാനിലുമാണ് പുതിയ ഷോറൂമുകള്‍ തുറന്നിട്ടുള്ളത്. ഇതിന്റെ ഉദ്ഘാടനത്തിനായാണ് താരം വിദേശത്ത് എത്തിയിട്ടുള്ളത്. സിനിമയില്‍ സ്ത്രീകള്‍ക്ക് സുരക്ഷിതരായി ജോലി ചെയ്യാന്‍ കഴിയണം എന്ന ലക്ഷ്യത്തോടെ രൂപീകരിച്ച വുമണ്‍ ഇന്‍ കളക്ടീവ് സംഘടനയുടെ പ്രധാന പ്രതിനിധികളിലൊരാള്‍ കൂടിയാണ് മഞ്ജു വാര്യര്‍.